1 Kurintu 3:12 - Hanunuu

¹² Dapat nu may magpatindug sitay pag burungsudan kay garamitun gintu, pilak, manga mahalaga pag batu, kayu, yuma kugun, una dayami,

1 Kurintu 3:12 Iomraidhean Croise

2 Timutiyu 4:3

Dahil rumas-ug aban ti udas balaw yi patingihan manga tawu ti katutuuhanan pag tudlu. Bagkus ngap sundun nida kanda sadili kagustuhan. Manhanap sida manga manugtudlu balaw may iba itudlu nu unman ti kanda lang magustuhan manga manugpatingi.

2 Timutiyu 3:7

Tunda pag manga babayi gustu gid nida dumunung, dapat una waya hanggan aban balaw sida umintindi sa katutuuhanan.

2 Timutiyu 2:20

Sa ulian mayaman balaw tanan kagamitan lunsay yi gintu hanggan pilak, may imaw diman kayu ti binwat taya hanggan daga ga anglit. Tunda pag garamitun gintu hanggan pilak paggamitun lang nu may handaan. Dapat ti kagamitan kayu ti binwat taya hanggan tunda pag daga binwat ga anglit imaw ti garamitun sa sirang-sirang.

Ipinakakit 21:18

Haspi pag batu ti binwat alad. Ti buu banwa lunsay yi gintu, masnag parihu sa bubug.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

Kanta 119:72

Para sa kangku, ti kasuguan kanmu ipinakaun mas mahalaga waya sa mayamu gid pag kayamanan.

Kanta 19:10

Inda pag manga bagay mahalaga man kaysa lunsay gid pag gintu. Mas matagsing waya kaysa lunsay pag daykut putyukan.

Ipinakakit 2:14

Dapat aku may pagsabihun inda laban sa kanmu: Ti iba sa kanmu magsunud sa tudlu ni Balaam. Si Balaam kabay ti nagtudlu kaybi sa kan Balak hampay patalangun niya ti manga Israilita tag sa kasalanan. Nakan nagkaun ngani sida manga ihinandug sa manga diyus-diyusan ag nagpanguragin sida.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

2 Timutiyu 3:13

Ti daut pag manga tawu lalu yi gid magpakadaut. Ti tawu maradaya lalu yi ngap mandaya, ag sida hanggan madaya diman.

1 Timutiyu 6:3

Una si unu ti magtudlu tuhay sa inda pag manga katutuuhanan ag unman angay sa mayad pag manga bilin nita Panginuun Hisu-Kiristu, una hanggan sa manga tudlu tungkul sa kanta surundanun,

Kulusas 2:8

Pag-aman kamu hampay balaw kamu madara kadunungan unman may kabuluhan pinathaw lang tawu, manga pinangawat ginurang, manga ugali kalibutan. Tunda pag kadunungan balaw ginan sa kan Kiristu.

2 Kurintu 2:17

Balaw kami parihu sa iba, magkaibug sida pag may bayad sa kanda magtudlu Bagaw Diyus. Bagkus ngap kami magtupad sa kay isinugu Diyus magtudlu gid kay bagaw sa atubangan Diyus dahil sa kanmi magpakiusa sa kan Kiristu.

Ruma 16:17

Pagsabihun yi gid niku sa kanyu, manga patar-ari, tandai niyu ti manga tawu magbuwat karampihan ag ti manga mag-pasimray sa manga patar-ari tungkul sa kanda pagsarig sa kan Kiristu, paglabanan nida ti manga tudlu kanyu tinanggap. Amana niyu tunda pag manga tawu.

Binwat 20:30

Una ginan diman sa kanyu sadili iglisya may manga tawu aban manudlu kapudilan sa manga patar-ari hampay kanda pasunudun tag yi sa patalang.

Hirimyas 23:28

Pabay-ani niyu mamagaw inda pag manga purupita tungkul sa kanda manga tagin-up, dapat ti manga purupita nakadnug sa kang manga bagaw kailangan manultul inda may buu matinupadun. Dahil tuhay kanda manga tagin-up kaysa kang manga bagaw, parihu sa dayami tuhay sa tirigu.

Isayas 60:17

Tulsan niku ti manga kagamitan sa kanmu Balay. Ti manga galang tulsan niku gintu, ti manga batu tulsan niku baul. Suma-kanmu gid ti kahusayan ag ti katadlungan.

Kabagawan 30:6

Danga pagdugangi kay manga bagaw, dahil nu buwatun nimu inda, tamyawun kawu niya ag patutuuhanan niya pudilun.”

Kabagawan 16:16

Mas mayad ti magkaimaw kadunungan hanggan intindi kaysa magkaimaw gintu ag pilak.

Kabagawan 8:10

Pahalagai ti kadunungan hanggan kang pagtadlung sa kanyu ugali kaysa gintu ag pilak.

2 Kurintu 4:2

Dinayu nimi ti makakaray-a ag lihim pag manga buruwatun. Balaw kami magdaya, unman mag-uman kami Bagaw Diyus. Bagkus ngap ipinaburayhaw nimi ti katutuuhanan, nakan alistu kami pausisa una sa kantapu nu may pagkutubun sa atubangan Diyus.

1 Kurintu 3:11

Dahil unman may makapatindug sa iba batu paratungtungan tulduk, nu unman si Kiristu Hisus lang ti batu ibinugtang Diyus.

1 Kurintu 3:13

ti buwat kada tawu makitan di aban. Dahil nu kaudasan yi pagras-ug ni Kiristu bag-u maalaman yi tunda. Sapagka sa apuy pihu pag makilala. Ti apuy ti sumubuk kada tawu buwat nu kabitay.

Pag-ighit 5:12

Nakan nangalat ti manga Israilita sa buu Ihiptu magbuul dayami.