1 Kurintu 2:9 - Hanunuu

⁹ Dapat ay parihu diman sa isinurat sa Banal Kasuratan magkun, “Ti manga bagay unman nakitan sa mata, unman nadnugan tuli, unman waydi inisip tawu sa kay tagipusuun, imaw ngap ti ihinanda Diyus sa manga magmahal sa kanya.”

1 Kurintu 2:9 Iomraidhean Croise

Kanta 31:19

Pagkadaka kanmu iinalistu kaayadan sa manga magsunud sa kanmu. Mintaras mabantayan ti manga tawu, pagpakakitan nimu kaayadan ti manga magdangup sa kanmu.

Isayas 64:4

Ginan kaybi hanggan taynguna unman may nakadnug ngatay nakakit sa Diyus parihu sa kanmu mag-awat sa manga magsarig sa kanya.

Isayas 65:17

“Pagpatingi kamu! Mamuwat aku bag-u pag langit ag bag-u pag daga. Ti daan pag langit hanggan daga kalimtan yi.

Matiyu 20:23

Sinabi ni Hisus sa kanda, “Ungud gid inman niyu aban kang ungut may kakurian. Dapat balaw aku ti may karampatan magpili nu si unu ti tumukaw sa kang sikun una sa kang wala. Tunda para sa manga inalistuhan niku Ama.”

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

Hibriyu 11:16

Dapat taynguna paghingabtun nida ti lalu mayad pag ulian, kay ibug sabihun sa langit yi ngap pag ulian. Nakan ti Diyus unman mangay-a una pag-ingarnan nida siya kanda Diyus, dahil kay inalistuhan sida usa ka banwa.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.

1 Pidru 1:12

Pagka ipinaalam manga purupita inda pag manga katutuuhanan itinudlu waydi Diyus sa kanda, kuntay kanda pagbagawun balaw may pakinabang sa kanda nu unman sa kanyu ngap. Inda pag manga katutuuhanan nadnugan yi niyu ginan sa manugpadakit Mayad pag Barita Diyus. Pagka sinugu Diyus ti Ispiritu Banal ginan sa langit tabug sa manga manugbarita, nanudlu sida sa kanyu angay sa udyuk Ispiritu Banal. Una ti manga anghil sa langit daka mana kanda gustu masalman nida inda pag manga katutuuhanan.

1 Huwan 4:19

Kita may pagmahal dahil ti Diyus waydi ti un-an nagmahal sa kanta.