1 Kurintu 2:8 - Hanunuu

⁸ Unman may nakakilala una hintay pag manga pinunu taga kalibutan sa inda pag kadunungan Diyus. Dahil nu nakilala lang nida balaw mana ipinapaku nida sa kurus ti Panginuun, dahil siya ti gimpuunan kadayawan.

1 Kurintu 2:8 Iomraidhean Croise

Matiyu 11:25

Sa ati katpung magkun si Hisus, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, ipinakilala ngapu nimu sa manga tawu ga anak kay tagipusuun.

Matiyu 13:22

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Lukas 23:34

Sinabi ni Hisus, “Amang, patawada duy nimu sida, dahil unman nida alam kanda pagbuwatun.” Bag-u kanda inayaw-ayaw kay manga rutay ni Hisus, kanda waya alinaban sa lunggungan.

Huwan 16:3

Nakan katida kanda buwatun sa kanyu dahil unman nakilala nida una ti Ama una aku.

Huwan 7:48

Kabay una sa manga pinunu una sa manga Parisiyu unman may magsarig sa kanya una di usa.

Huwan 8:19

Nagpaingana ti manga Parisiyu sa kanya magkun, “Naan yi kanmu Ama?” Sinmagut si Hisus magkun, “Unman gid nakilala niyu una aku una kang Ama. Nu abi nakilala niyu aku, nakilala yi waydi mana niyu kang Ama.”

Binwat 13:27

Ti manga taga Hirusalim hanggan kanda manga pinunu unman nakakilala sa kanya kuntay siya yi ti Manugribri. Unman diman naunawaan nida ti isinurat manga purupita kanda pagbasahun kada Sirang Pamahari. Dapat sida ngap ti nagtupad sa manga binagaw purupita sa kanda magsintinsiya sa kan Hisus sa kamatayan.

Binwat 7:2

Bag-u nagsagut si Istiban magkun, “Kamu duy pag manga kaparihu niku Hudiyu ag manga paggurangunun sa nasyun, pagpatingi kamu. Ti Diyus makamaskihan sa tanan napakakit sa kanta ginurang sa kan Abraham kay di waya sa Misuputamya ag udwaya nangulian sa banwa Haran.

1 Kurintu 1:20

Naan yi nguna ti madunung, naan ti manga manugtudlu Kasuguan? Naan ti marahusay magdibati sitay sa kalibutan? Unman aw binwat Diyus unman may kabuluhan ti kadunungan taga kalibutan?

1 Kurintu 2:6

Dapat nu sa manga marig-un kay sarig, kadunungan ngap ti kanmi pag-itudlu. Bukun kadunungan kalibutan inda, balaw diman kadunungan manga takinan taga kalibutan. Tunda pag kadunungan sa babaw lang daga nu sa kadugayan unman yi may kabuluhan.

2 Kurintu 3:14

Sa ungud, maganit kanda tagipusuun, nakan hanggan taynguna udwaya nab-ul tunda pag patakip kada pagbasahun nida ti Kasuratan Daan Pag Kasunduan. Madura lang tunda pag patakip nu magpakiusa ti tawu sa kan Kiristu.

Ipisu 1:17

Kang paghagadun sa Diyus nita Panginuun Hisu-Kiristu, sa makamaskihan pag Ama, hampay ipakaun niya sa kanyu ti Ispiritu Banal, imaw ti tumudlu sa kanyu ag pumakakit tungkul sa Diyus hampay makilala niyu siya.

Ipisu 4:18

Unman sida madunung mag-intindi dahil sa kanda ga ud may namuangan ag maganit waya kanda ulu. Nakan ud sida may kaparti sa buhi kay pag-ipakaun Diyus.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.

Santiyagu 2:1

Manga patar-ari niku, kamu pag manga magsarig sa kanta Panginuun Hisu-Kiristu, imaw ti makamaskihan pag Panginuun, danga may pagpiliun kamu tawu.