1 Kurintu 2:6 - Hanunuu

⁶ Dapat nu sa manga marig-un kay sarig, kadunungan ngap ti kanmi pag-itudlu. Bukun kadunungan kalibutan inda, balaw diman kadunungan manga takinan taga kalibutan. Tunda pag kadunungan sa babaw lang daga nu sa kadugayan unman yi may kabuluhan.

1 Kurintu 2:6 Iomraidhean Croise

Hub 1:1

May usa ka lalaki mag-uli sa rugar Us kay ngaran si Hub. Matadlung siya, ag unman may ikasabi kay pangabuhi. Maginalangun siya sa Diyus ag maaman sa magbuwat daut.

Hub 12:19

Pagbahasan niya ti manga manughandug hanggan ti manga tawu sa kanda makapangyarihan pag katungkulan.

Hub 12:21

Pagsurugun niya ti may kangaranan pag manga tawu, ag pagbul-an niya kapangyarihan ti may kapangyarihan pag manga tawu.

Kanta 146:4

Nu mamatay yi sida magbalik sida sa daga, ag sa tunda pag sirang kanda manga gayak bumaliw unman may pulus.

Kanta 33:10

Pagdautun Panginuun ti manga gayak manga nasyun. Balaw niya pagpasnuan matupad kanda manga gayak.

Kanta 37:37

Bantayi kaayad ti tawu matinupadun ag matadlung. May mayad siya pag paratabgan ag may kahusayan.

Isayas 40:23

Pagpaighitun niya sa kapangyarihan ti manga takinan kalibutan ag pagbuwatun unman may pulus.

Matiyu 13:22

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Matiyu 19:21

Magkun maan si Hisus, “Nu kanmu gustu udyi kawu may kakurangan sa kay magbantay Diyus, pag-ati kawu, pabilihan nimu kanmu kasiyunan bag-u ayaw-ayawa nimu sa manga pugri kay kabilyanan. Nu matupad nimu tunda, magkaimaw kawu kayamanan sa langit. Bag-u pagsitay maan kawu pagkuyug sa kangku.”

Matiyu 5:48

Nakan ngani kailangan ilubus niyu kanyu kaayadan parihu sa kanyu Ama sa langit.”

Lukas 16:8

“Nagdayaw kay amu sa tunda pag katiwala maradaya, dahil madunung siya magparaan. Dahil ti manga tawu taga kalibutan masyadu gid madunung magparaan sa kanda magpasundu sa kanda manga kaparihu, subra man sida madunung sa manga tawu nakaintindi tungkul sa Diyus.”

1 Kurintu 1:28

Ag ti manga pagkumnun taga kalibutan unman may halaga hanggan ti manga pagpuyaan nida imaw ngap ti pinili Diyus hanggan ti manga unman may gana hampay mabul-an ngap niya halaga ti manga pagsabihun mahalaga.

1 Kurintu 12:8

Dahil ti Ispiritu magpakaun bagaw kaalaman sa usa ka patar-ari, sa iba ti Ispiritu diman tigpaburayhaw sa manga bagay unman magkaalaman.

1 Kurintu 14:20

Manga patar-ari, danga yi ga anak kanyu naisipan. Nu tungkul sa kadautan bay, pagga anak lapsag kamu. Dapat pagginurangun yi kanyu naisipan.

1 Kurintu 2:1

Manga patar-ari, sa kang nag-asan tabug sa kanyu hampay ibarita ti lihim gayak Diyus, unman aku naggamit madalum pag manga bagaw ngatay madalum pag manga kadunungan.

1 Kurintu 2:13

Tunda pag manga kaayadan kanta pag-itudlu sa manga tawu balaw sa bagaw lang angay sa kadunungan tawu nu unman angay ngap sa tudlu Ispiritu. Pag-ipaliwanag nita ti manga katutuuhanan tungkul sa Ispiritu sa manga tawu inulian waydi Ispiritu.

1 Kurintu 2:8

Unman may nakakilala una hintay pag manga pinunu taga kalibutan sa inda pag kadunungan Diyus. Dahil nu nakilala lang nida balaw mana ipinapaku nida sa kurus ti Panginuun, dahil siya ti gimpuunan kadayawan.

1 Kurintu 3:1

Aku manga patar-ari, nagbagaw sa kanyu unman ga sa manga tawu inulian Ispiritu Banal. Naghampang aku sa kanyu ga sa manga tawu mablagan sa Diyus, ga sa manga lapsag di waya sa kanyu pagsarig sa kan Kiristu.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

2 Kurintu 4:3

Dapat nu unman may makaintindi sa Mayad pag Barita kanmi pag-itudlu, tunda manga tawu midamhak.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Kulusas 1:28

Nakan ngani pag-itudlu nimi si Kiristu sa tanan tawu. Pagpaala-lahanan nimi sida, malinaw gid kanmi pagtudluan sida angay sa kanmi makakaya hampay mipaatubang nimi sa Diyus ti kada usa kang-ud ag unman may ikasabi dahil sa kanda magpakiusa sa kan Kiristu.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

Hibriyu 5:14

Dapat ti may manga idad yi, magkaun maganit karan-unun, dahil sida nagpaanad yi naantigu magkilala sa daut sa mayad.

Hibriyu 6:1

Nakan danga yi kanta pag-adalan ti nalawyan yi pag manga adal tungkul sa kan Kiristu. Pagparargu yi kita ilubus nita kanta tudlu. Danga yi balikan nita ti kabag-u itinudlu tungkul sa pag-ampu sa manga unman may kabuluhan pag tarabahu, hanggan tungkul sa pagsarig sa Diyus,

Santiyagu 3:15

Ti katida pag kadunungan balaw ginan sa Diyus, nu unman taga sitay sa babaw daga, angay sa ikaayad lang sadili bilug ag ginan ngap sa manga labang.

Santiyagu 3:2

Kita tanan pirmi magsalan. Una si unu pag tawu nu unman magsalan sa kay bagaw, unman yi may ikasabi sa kanya. Mapinigilun siya sa kay sadili bilug.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.