1 Kurintu 2:1 - Hanunuu

¹ Manga patar-ari, sa kang nag-asan tabug sa kanyu hampay ibarita ti lihim gayak Diyus, unman aku naggamit madalum pag manga bagaw ngatay madalum pag manga kadunungan.

1 Kurintu 2:1 Iomraidhean Croise

Pag-ighit 4:10

Magkun si Muysis sa Panginuun, “Panginuun, unman aku madunung magbagaw. Ginan waya kaybi magkakurian aku magbagaw. Una ngani kainda paghampangun nimu aku, kanmu manugsirbi, hutal-hutal aku nu magbagaw.”

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Binwat 20:21

Nangungud gid aku sa kang magpaliwanag sa manga Hudiyu una sa manga balaw Hudiyu, magkun kailangan gid sida pag-ampu sa kanda kasalanan sa atubangan Diyus, pagsarig sa kanta Panginuun Hisus.

Binwat 22:18

Nakitan niku ti Panginuun bag-u sinabi niya sa kangku magkun, ‘Dag yi dugay kawu, pag-ighit yi kadali sitay ginan sa Hirusalim, dahil ti manga tawu sitay dayu maniwala sa kanmu pag-itultul tungkul sa kangku.’

Ruma 16:18

Ti katunda pag manga tawu unman magsirbi sa kan Kiristu sa kanta Panginuun, bagkus ngap pag-intindihun lang nida kanda sadili kailangan. Pagdayaun nida ti manga kurang sa kinaalman sa panab-anan marahusay ag mararinu nida pamagaw.

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

1 Kurintu 1:17

Dahil balaw aku sinugu ni Kiristu hampay magtulbaw sa tawu. Sinugu niya aku hampay manudlu sa Mayad pag Barita. Itinudlu ngani niku ti Mayad pag Barita, dapat balaw sa kadunungan lang niku bagaw, balaw diman sa karinu pamagaw angay sa tawu kadunungan, hampay unman mabul-an halaga kay kamatayan ni Kiristu sa kurus.

1 Kurintu 1:6

Mag-akitan yi waydi sa kanyu ti usa ka puruyba tungkul sa katutuuhanan sa kan Kiristu Hisus kanmi itinudlu.

1 Kurintu 2:13

Tunda pag manga kaayadan kanta pag-itudlu sa manga tawu balaw sa bagaw lang angay sa kadunungan tawu nu unman angay ngap sa tudlu Ispiritu. Pag-ipaliwanag nita ti manga katutuuhanan tungkul sa Ispiritu sa manga tawu inulian waydi Ispiritu.

1 Kurintu 2:4

Sa kang nagtudlu sa kanyu, balaw aku naggamit makagararya pag manga bagaw agud kamu mabutung, nu unman pinatutuuhanan Ispiritu Diyus kang tudlu sa panab-anan niya kamaskihan,

1 Kurintu 2:7

Dapat ti pagsabihun nimi inda imaw ti kadunungan Diyus udwaya ipinaburayhaw sa manga tawu kaybi ginan, dapat daan ihinanda niya kay udwaya linalang ti kalibutan sa ikadayaw sa kanta.

2 Kurintu 10:10

Magkun ti iba, “Kay surat lang ti mahigpit. Nu sa atubangan padi ay madala pag tawu, una sa kay pinamagawan balaw may mayad.”

2 Kurintu 11:6

Mahimu aku balaw marinu sa pinamagawan, dapat balaw ungud kurang sa kadunungan. Pirmi yi waydi ipinakilala nimi inda sa kanyu sa tanan nimi buruwatun.

2 Tisalunika 1:10

Mangyari tunda sa kaudasan niya pagras-ug aban hampay dayawun siya tanan manga napasakup sa kanya ag hampay sambahun siya sa karaw-an tanan manga magsarig sa kanya. Mibilang diman kamu ati, dahil tinanggap niyu ti Mayad pag Barita kanmi itinudlu sa kanyu.

1 Timutiyu 1:11

Tunda ngani pag tudlu ti angay sa Mayad pag Barita inintirga sa kangku. Tunda yi pag Barita tungkul sa kanta pagdayawun pag kamaskihan Diyus.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

1 Huwan 4:14

Nakitan nimi ag kanmi pagpatutuuhanan kuntay sinugu Ama kay Anak hampay siya yi ngani ti Manugribri sa tanan manga tawu sa babaw daga.

Ipinakakit 1:2

Bag-u isinurat ni Huwan ti tanan niya nakitan tungkul sa kay sinabi Diyus hanggan tungkul sa kay ipinaalam ni Hisu-Kiristu.

Ipinakakit 1:9

Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.