1 Kurintu 15:3 - Hanunuu

³ Ti itinudlu sa kangku imaw diman waydi kang itinudlu sa kanyu — ti pinakamahalaga: si Kiristu namatay dahil sa kanta manga kasalanan angay sa isinurat sa Banal Kasuratan;

1 Kurintu 15:3 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Isikil 3:17

“Anak tawu, binwat niku kawu bantay sa nasakupan Israil. Nakan nu unu man pag paandam ti madnugan nimu sa kangku sabihun nimu sa kanda.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Matiyu 26:24

Mamatay gid ti Anak Tawu angay sa isinurat sa Banal Kasuratan, dapat kaawaawa duy tunda pag tawu ti pumakampi sa kalaban agud kay itudlu aku, ti Anak Tawu. Mayad waya nu unman nianak siya pag tawu.”

Matiyu 26:28

Dahil inda kang dugu itinalaghut Diyus sa taratu. Ibuhus kang dugu sa ikapatawad manga kasalanan mayamu tawu.

Lukas 24:25

Sinabi ni Hisus sa kanda ni Kaliyupas magkun, “Kamu duy katna kurang kanyu manga isip. Talaga kamu maganitganit waya kanyu tagipusuun. Hayga lugud kamu unman magpaniwala sa tanan isinurat manga purupita?

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Binwat 17:2

Angay sa kan Pablu ugali, sinmaka siya sa simbahan manga Hudiyu. Tulu ka Sirang Pamahari nangatadlungan siya sa kanda ginan sa Banal Kasuratan.

Binwat 3:18

Dapat sa kanyu binwat tunda, natupad yi ti dugay yi pag ipinaalam Diyus sa panab-anan manga purupita magkun, kailangan umagwanta ti Pinili Diyus Manugribri pag Hari hanggan sa kamatayan.

Binwat 8:32

Inda ngani ti bahagi sa Banal Kasuratan kay pagbasahun magkun, “Parihu ga karanidu unman mag-ingay nu darahun tag sa kay maratyan, una ga anak karanidu unman mag-ingay sa atubangan manug-uguy, katunda diman siya, unman gid siya nag-ingay.

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ruma 4:25

Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.

1 Kurintu 11:2

Pagbayaun niku kamu dahil unman aku magkalimtan niyu, kanyu di pagsundun kang itinudlu sa kanyu.

1 Kurintu 11:23

Ti itinudlu Panginuun sa kangku, imaw diman waydi kang itinudlu yi sa kanyu magkun,

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 1:12

Balaw nakan niku tinanggap ginan sa tawu, unman diman tawu ti nagtudlu sa kangku. Si Hisu-Kiristu yi ngapu ti nagpakilala inda sa kangku.

Galasya 1:4

Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Hibriyu 5:1

Ti kada pangulu manughandug sa Balay Diyus pinili ginan sa manga tawu hampay sumirbi sa Diyus para sa kanda. Siya tig handug manga kaluub sa Diyus ag manga hayup pagmatyun panlukat sa kasalanan.

Hibriyu 5:3

Nakan kailangan siya maghandug sa Diyus manga hayup minatay dahil sa manga kasalanan balaw lang tungkul sa manga iba tawu nu unman hanggan tungkul diman sa kay sadili bilug.

1 Pidru 1:11

Inusisa gid nida kaybi nu hintay pag tawu ag nu kapira pag mangyari ti pagtukuyun Ispiritu ni Kiristu sa kanda tagipusuun. Dahil ipinauna ipinaalam Ispiritu sa kanda ti malakawan kakurian ni Kiristu hanggan ti kadayawan kay matanggap niya.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.

1 Huwan 2:2

Dahil si Kiristu ti nagbaliwa namatay sa kasalanan nita hampay may kapatawadan kita. Ag balaw sa kanta lang sadili pag kasalanan siya pag namatay, nu unman hanggan diman sa kasalanan tanan manga tawu sa babaw daga.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.