1 Kurintu 13:4 - Hanunuu

⁴ Ti pagmahal may pasunaid sa kay sadili, ag mahusay sa kaparihu. Ti pagmahal balaw maghirak. Ti pagmahal balaw magpadayaw, balaw magpalabi-labi sa kay sadili,

1 Kurintu 13:4 Iomraidhean Croise

Gimpuunan 30:1

Si Rakil unman waya gid magbuduy, nakan maghirak siya sa kan Liya. Magkun siya tag kan Hakub, “Pakan-i nimu aku anak dahil nu unman, pihu gid mamatay aku!”

Gimpuunan 37:11

Naghirak kay manga patar-ari ni Husi sa kanya, dapat si Hakub sinadili yi lang niya inda pag manga bagay.

Nihimyas 9:17

Dayu sida mamatingi sa manga pagsabihun nimu, ag pagkalimtan lang nida ti manga makadululaw nimu binwat sa kanda. Nagbaliw maganit kanda manga ulu, ag magsalumpang sida sa kanmu palakaw sa panab-anan pagpili takinan mandara sa kanda pabalik sa pagkapanawuhun sa Ihiptu. Dapat kawu mapinatawadun pag Diyus, maawaun, maalalahanun, balaw daldali magkagalit, ag mapagmahal. Nakan unman nimu sida pinabay-anan,

Kanta 10:5

Abunda pirmi sida, ag pag-ipasipala lang nida kanmu pagsintinsiya. Pagpuyaan waya nida ti tanan nida kalaban.

Kabagawan 10:12

Ti galit pagpun-an kaguluhan, dapat ti pagmahal makapatawad sa tanan kasalanan.

Kabagawan 13:10

Sa subra pagpadayaw, may manga tawu unman magpatingi sa patigayun, ag inda pagpun-an kaguluhan. Nu gustu nida dumunung kailangan pagpatingi sida sa patigayun.

Kabagawan 17:14

Ti umpisa arawayan parihu sa buslut tangki danum. Tapali inda sa udwaya magdaka.

Kabagawan 17:9

Nu patawadun nimu kanmu kakilala nagsalan sa kanmu, pumarargu kanyu magkakilala, dapat nu aring-aringun nimu kay kasalanan, madaut kanyu pagka magkakilala.

Kabagawan 19:22

Ti pagkaibgan nita sa tawu, makatiwalaan. Mas mayad waya ti pugri pag tawu kaysa pudilun.

Kabagawan 31:20

Maraawat siya sa manga pugri hanggan sa manga magpangailangan.

Kabagawan 31:26

Magbagaw siya may kadunungan, ag magtudlu siya may kaayadan.

Manugtudlu 10:4

Nu nangisug sa kanmu ti usa ka takinan, danga kawu kadaka magbul-iw sa kanmu katungkulan, nu balaw kawu mangingay, barang patawadun di niya kawu una waya kabitay kabuyat kanmu nabwat kasalanan.

Matiyu 27:18

Dahil alam ni Pilatu maghirak sida, nakan kanda ipinabahala si Hisus sa kanya.

Binwat 7:9

“Pagka dugay nainggit kanta manga kaapu-apuhan sa kanda patar-ari sa kan Husi, nakan kanda ipinabili siya hampay panawuhun yi siya ati sa daga Ihiptu. Dapat balaw siya pinabay-anan Diyus.

Ruma 1:29

Nasakup yi sida tanan kalasi kadautan, kalukuhan, maramuun, daut pag naisipan. Punu sida kainggitan. Nag-ugali sida sa maglibun tawu, sa magtalaluhan, sa magdaya hanggan sa maglupig. Sida maglibak daut,

Ruma 13:13

Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

1 Kurintu 3:3

Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

1 Kurintu 4:18

Ti manga iba asan magpalabi-labi, kanda hantup aku dayu makaasan sa kanyu.

1 Kurintu 4:6

Manga patar-ari, kami ni Apulus ti binwat niku halimbawa agud masalman niyu kay ibug sabihun magkun, “Danga magpasubra sa isinurat sa Banal Kasuratan.” Danga ti usa lang ti pagmayadun bag-u ti usa pagdautun.

1 Kurintu 5:2

Bag-u kamu manga palabi-labihun di, ag unman kamu magruku nu nagkasala ti usa ka patar-ari, hampay mipalwas mana ginan sa kanyu ti nagbuwat katunda pag kasalanan.

1 Kurintu 8:1

Ipaliwanag maan niku tungkul sa manga karan-unun ihinandug sa diyus-diyusan. Alam nita kita tanan may kadunungan. Ti katunda pag kaalaman magpadara sa tawu hampay magpalabi-labi, dapat ti tawu nu may pagmahal, makaparig-un siya sa iglisya.

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

2 Kurintu 6:6

Kanmi diman ipinakilala kuntay kami kay suruguun Diyus sa mayad nimi pag ugali, sa kaalaman, sa maalumanay, sa mayad pag nabubut-un hanggan sa panab-anan Ispiritu Banal, sa may lubus pagmahal,

Galasya 5:26

Danga kita palabi-labihun, maraaway, danga kita maghirirakan.

Ipisu 4:2

Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.

Ipisu 4:32

Bagkus ngap pagpakabuut kamu, pagmatugway kamu, pagparatawadan sa kada usa parihu sa kay nagpatawad Diyus sa kanyu dahil sa kan Kiristu.

Pilipus 1:15

Tutuu may manga tawu pag-ibarita nida si Kiristu dahil sa kanda maghirak hanggan mag-away. Dapat ti iba ginan ngap sa mayad pag naisipan kanda pag-ibarita si Kiristu.

Kulusas 1:11

Pag-idarangin diman nimi kamu hampay kay daka gid pag kamaskihan Diyus ti pumarig-un sa kanyu, hampay masulung di gid kamu mag-agwanta sa tanan kakurian,

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

1 Tisalunika 5:14

May sabihun waya gid kami sa kanyu, manga patar-ari. Paalalahani gid niyu ti manga bugyahin, pabisuga niyu ti manga malumuy kay sarig, sagabaya niyu ti udyi kakaya, agwantahi niyu sida tanan.

1 Timutiyu 6:4

tunda pag tawu magpadayaw-dayaw dapat unman may kadunungan. Naugalian yi waydi niya ti parairgu hanggan ti aratwan tungkul sa manga sanglitan, imaw ti pagpun-an durumtan, kagalitan, puruyaan hanggan magbarangdanan,

2 Timutiyu 2:25

Kailangan pagmaalumanay siya nu magtamyaw sa manga maglaban sa kanya. Barang nu katida pag paraan, pakan-an sida Diyus rugar hampay makasisi ag makaampu sa kanda kasalanan, agud maalaman nida ti katutuuhanan.

2 Timutiyu 3:10

Dapat balaw katida kawu. Kanmu ngap sinunud kang manga bilin, ugali hanggan turunu. Alam yi waydi nimu kang pagsarig, kang matugway, kang pagmahal hanggan kang matiniisun.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

Santiyagu 4:5

Barang kanyu isip unman mahalaga ti nisurat sa Banal Kasuratan magkun, “Magkaibug gid ti Diyus magpakiusa sa manga tawu, dahil kay pinakan-an sida arup.”

1 Pidru 2:1

Nakan ngani tayaki yi niyu ti tanan pag kadautan, ti tanan buwat sa magdaya, una ti magpabalhinguun, una ti maghirak, una ti magmuransa, tayaki yi niyu tunda.

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Pidru 4:8

Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.

2 Pidru 1:7

ti magpasakup sa Diyus dugangan niyu mapinasunaidun sa patar-ari, ti mapinasunaidun sa patar-ari dugangan maan niyu pagmahal.

1 Huwan 4:11

Nu katida duy manga patar-ari kay kadaka ti pagmahal Diyus sa kanta, kailangan pagmalahalan diman kita sa usa kag sa usa.