1 Kurintu 13:2 - Hanunuu

² Una pinakan-an yi aku Panginuun hampay makapurupita ag una maalaman niku ti tanan katutuuhanan unman ipinaburayhaw sa tawu, hanggan ti tanan kaalamanan, una abi pinakan-an aku Panginuun buu pagsarig hampay ipakababa niku ti manga bantud, bag-u unman aku may pagmahal, unman diman aku may pulus.

1 Kurintu 13:2 Iomraidhean Croise

Matiyu 13:11

Sinmagut si Hisus, “Ipinahintulut sa kanyu ti makatau sa manga katutuuhanan unman nihayag tungkul sa kaharian langit, dapat unman ipinahintulut inda sa kanda.

Matiyu 17:20

Nagsagut siya magkun, “Dahil kurang duy kanyu sarig. Ungud duy kang pagsabihun sa kanyu, nu kanyu sarig ga butir mutsasa lang mana kay kadaka, mahimu sabihun niyu sa inda pag bantud, ‘Pag-ighit kawu sitay ginan’, bag-u umighit yi ngani. Nu katunda, ti tanan bagay makaya niyu mabuwat.” [

Matiyu 21:19

Pagka nakitan niya ti usa ka puun igus sa saruy dalan kay dinuawan, dapat ud may nakitan siya burak, nu ud manga labung lang. Sinmabi siya sa igus, “Kainda ginan danga yi lang kawu magburak una hanggan aban.” Susun nalayung yi ngap ti puun igus.

Matiyu 21:21

Sinmagut si Hisus magkun, “Ungud duy kang pagsabihun sa kanyu, nu kamu may sarig ag unman mag-alinlangan, kanyu mabuwat balaw lang ga nangyari sa puun igus. Nu kanyu sabihun sa bantud inda, ‘Pag-ighit yi kawu, ati pag mipadna yi sa dagat’, mangyari yi tunda.

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 15:14

Manga patar-ari, lubus aku magpaniwala ud may kurang kanyu kaayadan, may kang-ud kanyu kaalaman ag madunung kamu magparaalalahanan sa usa kag sa usa.

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

1 Kurintu 11:4

Nu magdarangin ti lalaki aw ngatay magpurupita siya bagaw Diyus bag-u may taung kay ulu, magpauya lang siya sa kan Kiristu.

1 Kurintu 12:28

Ti iglisya hinusay diman Diyus. Un-an sa tanan ti manga apustul bag-u ti manga purupita bag-u ti manga manugtudlu bag-u ti manga magbuwat manga makadululaw bag-u ti manga pinakan-an kapangyarihan magpaayad sa sakit, ti may kapangyarihan mag-awat sa iba, ti manga pinakan-an kadunungan sa magpangulu, ag ti manga magbagaw sa tuhay-tuhay pag pamagaw balaw inadalan.

1 Kurintu 13:1

Una aku magbagaw tuhay-tuhay pag pamagaw manga tawu hanggan manga anghil, bag-u unman aku may pagmahal, parihu lang aku sa agung maingay, ga lingganay magpanngil sa tuli.

1 Kurintu 13:3

Una ipakaun niku ti tanan-tanan niku kasiyunan sa manga pugri ag una ipakaun waya niku kang bilug hampay sunugun bag-u unman aku may pagmahal, unman gid aku may pakinabang.

1 Kurintu 13:8

Ti pagmahal balaw madura una hanggan aban. Ti magpurupita madura di aban, una tigbagaw manga tuhay-tuhay pag pamagaw unman inadalan umapas diman, una ti kaalaman madura di aban.

1 Kurintu 14:29

Bumagaw ti duwa tugka lang sa tulu ka purupita bag-u pagkilalan-un manga iba ngatay tutuu ginan sa Diyus kanda pagsabihun.

1 Kurintu 14:39

Nakan ngani, manga patar-ari, paghingbut kamu sa makapurupita. Danga waydi pag-irangi ti magbagaw sa tuhay-tuhay pag pamagaw unman inadalan.

1 Kurintu 14:4

Ti magbagaw sa tuhay-tuhay pag pamagaw magparig-un sa kay sadili sarig. Dapat ti magpurupita magparig-un sa iglisya.

1 Kurintu 15:51

Malu, kang itultul sa kanyu ti usa ka katutuuhanan udwaya ipinaburayhaw Diyus sa manga tawu. Balaw tanan-tanan kita mamatay, dapat kita tanan bag-uhun,

1 Kurintu 16:22

Ti unman magmahal sa Panginuun saadan siya. Pagras-ug yi gid kawu, duy Panginuun.

1 Kurintu 4:1

Kailangan duy kilalan-un niyu kami kay manga suruguun ni Kiristu. Ipiniyar Diyus sa kanmi ti madalum pag katutuuhanan balaw daan ipinaburayhaw sa tawu.

1 Kurintu 7:19

Unman may hintay ngarana una turi una bukun turi. Ti mahalaga ti pagsunud sa manga bilin Diyus.

1 Kurintu 8:4

Tungkul ngani sa manga karan-unun ihinandug sa diyus-diyusan, alam nita ti manga diyus-diyusan unman may kahulugan, ag alam diman nita usa lang ka Diyus.

2 Kurintu 12:11

Aku inda ga patalang-talang yi, dapat kamu ti nagpilit sa kangku hampay katunda. Kamu mana ti dapat dumayaw sa kangku. Bilang madi ga ud may gana aku pag tawu dapat unman kailangan ipalabi niyu aku sa kanyu pagkumnun mayad pag manga apustul asan.

Galasya 5:16

Inda kang gustu sabihun, pag-ugali kamu angay sa udyuk Ispiritu, hampay dayi pasibut-an niyu ti daut kagustuhan niyu naisipan.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Galasya 6:3

Nu may magpainu-inu sa kay sadili kuntay siya mahalaga dapat unman diman waydi, dinaya ngap niya kay sadili.

Ipisu 3:4

Sa kanyu magbasa inda maalaman niyu nu kabitay kang mag-intindi sa madalum pag katutuuhanan ni Kiristu.

Ipisu 6:19

Daranginan diman niyu aku hampay pakan-an kang-ud gid pag baragawun, agud ilubus kang katutuman sa kang magpanudlu sa madalum pag katutuuhanan tungkul sa Mayad pag Barita.

Kulusas 1:26

Imaw yi ti madalum pag katutuuhanan, kaybi di waya ginan sa kadugayan pag panahun unman waya nipaburayhaw niya sa manga linahi, dapat taynguna ipinaalam yi Diyus sa manga nasakup sa kanya.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

1 Huwan 4:8

Ti tawu nu unman magmahal, unman siya magkilala sa Diyus, dahil Diyus gid ti may gimpuunan pagmahal.