1 Kurintu 13:1 - Hanunuu

¹ Una aku magbagaw tuhay-tuhay pag pamagaw manga tawu hanggan manga anghil, bag-u unman aku may pagmahal, parihu lang aku sa agung maingay, ga lingganay magpanngil sa tuli.

1 Kurintu 13:1 Iomraidhean Croise

Kanta 150:5

Dayawun niyu siya sa panab-anan maingay pag manga simbals.

Matiyu 25:45

Kumumun ti Hari sa kanda, ‘Ungud duy kang pagsabihun sa kanyu, pagka inirangan niyu kanyu pangawat sa usa sa manga mapinakumbabaun inda, aku ngap ti kanyu pinabay-anan.’

Markus 16:17

Ti manga tawu nu magsarig may makitan inda pag manga tanda tungkul sa kamaskihan: sa ngaran niku pag ipalwas nida ti manga labang, ag bumagaw sida sa tuhay-tuhay pag pamagaw.

Ruma 14:15

Nu sa kanmu pagkan-un pag karan-unun magkabyatan ti tagipusuun nimu patar-ari, unman yi angay sa pagmahal ti kanmu pagbuwatun tunda. Si Kiristu namatay para sa kanya, nakan ngani danga ipadamhak nimu siya ginan lang sa kanmu pagkan-un.

1 Kurintu 12:10

Sa iba maan magpakaun siya kapangyarihan hampay magbuwat makadululaw, sa iba maan hampay magpurupita, sa iba maan pag-ipakaun Ispiritu hampay makakilala nu hintay ti inudyukan Ispiritu Banal ag nu hintay ti ginan sa labang, sa iba maan hampay bumagaw sa tuhay-tuhay pag pamagaw balaw inadalan, sa iba maan pag-ipakaun Ispiritu hampay makapaliwanag sa kahulugan tuhay-tuhay pag pamagaw.

1 Kurintu 12:16

Nu sabihun abi tuli, “Dahil aku balaw mata, balaw aku gamit bilug,” balaw ngap unman sa bilug diman ti tuli.

1 Kurintu 12:8

Dahil ti Ispiritu magpakaun bagaw kaalaman sa usa ka patar-ari, sa iba ti Ispiritu diman tigpaburayhaw sa manga bagay unman magkaalaman.

1 Kurintu 13:8

Ti pagmahal balaw madura una hanggan aban. Ti magpurupita madura di aban, una tigbagaw manga tuhay-tuhay pag pamagaw unman inadalan umapas diman, una ti kaalaman madura di aban.

1 Kurintu 14:2

Dahil tigbagaw sa tuhay-tuhay pag pamagaw balaw inadalan, balaw sa tawu pag magbagaw, nu unman tag sa Diyus. Dahil unman may tawu makasalum sa kay pagbagawun. Dahil angay sa udyuk Ispiritu pag magbagaw siya manga katutuuhanan unman magkamaramadan, Diyus lang ti makaalam.

1 Kurintu 14:4

Ti magbagaw sa tuhay-tuhay pag pamagaw magparig-un sa kay sadili sarig. Dapat ti magpurupita magparig-un sa iglisya.

1 Kurintu 14:5

Kang gustu mana kamu tanan magbagaw sa tuhay-tuhay pag pamagaw balaw inadalan. Dapat lalu waya kang gustu kamu pagmakapurupita. Lalu ngap mahalaga ti magpurupita sa magbagaw sa tuhay-tuhay pag pamagaw purya lang mipaliwanag niya hampay maparig-un ti iglisya.

1 Kurintu 8:1

Ipaliwanag maan niku tungkul sa manga karan-unun ihinandug sa diyus-diyusan. Alam nita kita tanan may kadunungan. Ti katunda pag kaalaman magpadara sa tawu hampay magpalabi-labi, dapat ti tawu nu may pagmahal, makaparig-un siya sa iglisya.

2 Kurintu 12:4

Pagka ati may nadnugan siya manga bagaw dayi mahuwad mabagaw una waya si unu, unman waydi may karampatan tumultul una si unu pag tawu.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

1 Timutiyu 1:5

Kailangan katida kanmu bilinan sida hampay may pagmahal sida ginan sa kanda malumpiyu pag tagipusuun ag ginan sa naisipan nu udyi may pag-alalahanun kasalanan, hanggan ginan sa kanda pagsarig balaw magpabalhinguun.

1 Pidru 4:8

Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

Ipinakakit 14:2

Nadnugan niku may mag-ingay ginan sa langit kay tunug ga danum magpaywas sa puru, ga magranranug linti. Ti kang nadnugan ga magtimpara manga manuggitara.