1 Kurintu 12:3 - Hanunuu

³ Nakan kang pag-ipaalaala sa kanyu, unman may magbagaw ginan sa udyuk Ispiritu Diyus magkun, “Saadan si Hisus.” Unman diman may sumabi magkun, “Si Hisus ti Panginuun,” nu unman ginan lang sa udyuk Ispiritu Banal.

1 Kurintu 12:3 Iomraidhean Croise

Kanta 109:20

Panginuun, mana imaw inda ti kanmu iparusa sa manga magbangdan ag magbagaw daut sa kangku.

Matiyu 22:43

Magkun si Hisus, “Nu katida hayga mag-ingaran si Dabid sa kanya magkun Panginuun. Angay sa udyuk Ispiritu Banal sinabi kabay ni Dabid magkun,

Markus 9:39

Dapat sinabi ni Hisus, “Danga pag-irangi. Dahil ti tawu nu magbuwat makamaskihan buwat sa ngaran niku, dayu kadaka magbagaw daut laban sa kangku.

Huwan 13:13

Kanyu pagsabihun aku kanyu Maisturu ag kanyu Panginuun. Tama ngani kanyu pagsabihun katida, dahil tutuu gid aku kanyu Maisturu ag kanyu Panginuun.

Huwan 13:14

Taynguna aku kanyu ngani Panginuun ag kanyu Maisturu, ti nag-ugas kis-ab kanyu manga lulud. Nakan kamu hanggan kailangan mag-urugasan kanyu manga lulud sa usa kag sa usa.

Huwan 15:26

“Sumitay ti Manug-awat ginan sa Ama tag sa kanyu, ti Ispiritu ngani imaw tigtudlu katutuuhanan tungkul sa Diyus. Suguun niku siya ginan sa Ama bag-u itultul niya sa kanyu ti tungkul sa kangku.

Binwat 8:37

Magkun si Pilipi, “Mahimu gid kawu pumatulbaw nu ilinubus nimu kanmu tagipusuun sa pagsarig sa Panginuun.” Sinabi pinunu magkun, “Magsarig aku sa kan Hisu-Kiristu, siya yi ti Anak Diyus.”

Ruma 10:9

Nu itultul nimu magkun, “Si Hisus imaw ti Panginuun,” ag nu sumarig kawu buu tagipusuun siya binuhi uman Diyus ginan sa kamatayan, nu katunda miribri kawu.

1 Kurintu 16:22

Ti unman magmahal sa Panginuun saadan siya. Pagras-ug yi gid kawu, duy Panginuun.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

2 Kurintu 11:4

Dahil ungud gid matiniisun kamu sa kanyu magtanggap sa una hintay pag tawu nu magras-ug asan magpanudlu tuhay pag Hisus sa kanmi itinudlu sa kanyu ag pagtanggapun diman waydi niyu ti tuhay pag ispiritu hanggan tuhay pag adal sa kanmi itinudlu sa kanyu.

2 Kurintu 3:5

Nu sa kanmi lang ud may kaya sa inda pag buruwatun. Kanmi kabisugan lunsay pakaun Diyus.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Diyuturunumiyu 21:23

kailangan danga maabutan surip ti bangkay ati sa kayu. Kailangan ilbung niyu inda sa tunda diman pag sirang, dahil una si unu ti ibinitin sa kayu sinaadan Diyus. Danga niyu pag-uringi ti pag-ipakaun Panginuun niyu Diyus pag daga sa kanyu bilang mana niyu.

Ipinakakit 1:10

Ati katpung pagka sa sirang Panginuun, sinakup aku Ispiritu Banal bag-u nadnugan niku sa kang magkaday-an may matnug pag bagaw ga budyung kay kadaka.