1 Kurintu 11:3 - Hanunuu

³ Dapat kang gustu pagmaintindihan niyu si Kiristu tigpamahala sa kada lalaki, ti lalaki magpamahala sa kay asawa bag-u ti Diyus magpamahala waydi sa kan Kiristu.

1 Kurintu 11:3 Iomraidhean Croise

Gimpuunan 3:16

Sinabi diman niya sa babayi, “Dahil sa kanmu binwat, dugangan niku kanmu kakurian sa magbuduy ag malakawan nimu ti masyadu pag sakit sa kanmu magpanganak. Dapat una katida, hangadun di gid nimu kanmu asawa, ag siya ti maghari sa kanmu.”

Isayas 52:13

Magkun ti Panginuun, “Kang manugsirbi manalu. Bumaliw bantug siya ag paggalangun.

Isayas 55:4

Pinili niku siya takinan manga nasyun, sa panab-anan niya ipinakakit niku kang kamaskihan sa kanda.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Huwan 14:28

Nadnugan yi niyu kang sinabi sa kanyu magkun, umighit yi aku dapat bumalik maan aku sitay tag sa kanyu. Nu tutuu gid aku kanyu pagmahalun, kamu mana magbaya nu umati aku sa Ama, dahil ti Ama mataas man sa kangku.

1 Kurintu 3:23

Dapat kamu sakup ni Kiristu ag si Kiristu sa Diyus.

Ipisu 4:15

Bagkus ngap pumirmaminti kita sa katutuuhanan may tapil di pagmahal hampay bumaliw parihu kita sa kanta pakiusa sa kan Kiristu. Siya ti kanta ulu.

Kulusas 1:18

Siya ti pinagkaulu, ti iglisya kay pinagkabilug. Siya tigpakaun buhi sa iglisya. Siya ti panganay, daan di siya Anak Diyus. Siya ti un-an nabuhi uman hampay siya yi gid ti makamaskihan sa tanan.

Kulusas 2:10

Sa kanyu magpakiusa sa kan Kiristu kang-ud diman hanggan kamu. Sakup diman niya ti tanan kapangyarihan una sa langit, una sa babaw daga.

Kulusas 2:19

Nagbul-iw yi tunda pag manga tawu sa kan Kiristu, imaw ti ga ulu may kamaskihan sa buu bilug. Ginan sa kan Kiristu pag makatanggap ti bilug kabisugan hampay magkarausa ga may kaluas-luasan may manga kusug. Si Kiristu diman ti manug-alaga hanggan ti magpadaka angay sa kay kagustuhan Diyus.

Kulusas 3:18

Kamu pag manga babayi, pagpasakup kamu sa kanyu sadili asawa, dahil katida gid ti angay sa kanyu pagsarig sa Panginuun.

1 Pidru 3:1

Kamu duy pag manga babayi, pagpasakup kamu sa kanyu sadili asawa, hampay una si unu sa kanda nu udwaya magpaniwala sa Bagaw Diyus, miabay diman sumarig, dahil sa kanyu mayad pag ugali una balaw yi may patapil paliwanag sa kanda.