1 Kurintu 1:9 - Hanunuu

⁹ Ti Diyus masarigan, siya diman ti nagpili sa kanyu hampay magpakiusa kamu sa kay Anak, sa kanta Panginuun Hisu-Kiristu.

1 Kurintu 1:9 Iomraidhean Croise

Kanta 100:5

dahil mayad ti Panginuun. Kay pagmahal balaw may katugkaan, matinupadun siya hanggan aban.

Isayas 11:5

Ipalantap niya ti katadlungan hanggan ti katutuuhanan, inda ti pinagka huragkus niya.

Isayas 25:1

Panginuun, kawu kang Diyus! Dayawun niku kawu ag kilalahun dahil makadululaw kanmu manga binwat. Tinupad nimu kanmu manga gayak ginan waya kaybi pag panahun.

Isayas 49:7

Ti Panginuun, ti Manugribri ag Banal pag Diyus Israil, magkun sa tawu pagpuyaan ag pagkayagtingan manga nasyun hanggan manugsirbi manga takinan, “Makitan manga hari nu si unu gid ungud kawu ag tumindug sida hampay galangun kawu. Ti manga takinan yumuk-ub sa kanmu. Mangyari inda dahil sa kangku, ti Panginuun matinupadun, ti Banal pag Diyus Israil. Aku ti nagpili sa kanmu.”

Bilang 23:19

Ti Diyus balaw tawu magpudil ngatay magkauman kay naisipan. Magbagaw aw siya balaw niya pagbuwatun? Magtaratu aw siya unman niya pagtupadun?

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Huwan 17:21

Pag-idarangin niku sida hampay mirinsan sida tanan. Amang, pagminsan sida sa kanta parihu sa kanmu minsan sa kangku ag parihu sa kangku minsan sa kanmu. Pagkatunda diman, pagmirinsan sida sa kanta agud maniwala ti manga taga kalibutan kuntay kawu ti nagsugu sa kangku.

Ruma 11:17

Pinlud kay iba sanga ti tanum puun ulibu ag kawu, ga sanga lang lupaw pag ulibu, pag-isugdung sa puun tanum ulibu, hampay maayawan taguk ginan sa gamut. Nakan may kabahagi kamu manga papalad Diyus para sa manga Hudiyu.

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

Ruma 8:30

Kay manga pinili ginan waya sa kabag-u kay diman binutung. Ti manga binutung niya kay diman kinilala kuntay manga matadlung. Ag ti manga nakilala niya kuntay manga matadlung, naayawan diman waydi niya kadayawan.

Ruma 9:24

Kita yi paman tunda pag manga tawu kay pinili niya balaw lang ginan sa manga Hudiyu, ginan diman hanggan sa manga balaw Hudiyu.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Kurintu 10:13

Unman may subuk rumas-ug sa kanyu nu unman mabata niyu. Masarigan gid ti Diyus, balaw pahintulutan niya kamu subukan sa udyi niyu makaya. Dapat dungan sa subuk magbuwat siya paraan hampay makalawuy kamu sa kakurian, hampay maagwanta niyu ti subuk.

1 Kurintu 10:16

Ti ungut may papalad pagpasalamatan nita sa Diyus. Unman aw lugud kita may kabahagi sa dugu ni Kiristu nu kita mag-inum sa tunda pag ungut? Nu kita magkaun sa tinapay kanta pagpika-pikahun, unman aw lugud kita may kabahagi sa bilug ni Kiristu?

2 Kurintu 1:18

Alam nita ti Diyus masarigan, katunda diman kang pagsabihun sa kanyu ti “hu,” “hu” yi gid.

Galasya 1:15

Dapat dahil sa kay pangaawa Diyus nakan daan yi pinili niya aku bag-u iinanak. Kay tinawag niya aku hampay kay yi suruguun.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Ipisu 3:6

Ag inda yi ngani ti madalum pag katutuuhanan magkun, nu sumarig sida sa Mayad pag Barita, ti manga balaw Hudiyu parihu diman waydi sa manga Hudiyu may kabahagi diman waydi sa manga papalad ginan sa Diyus. Ag sida hanggan manga gamit diman bilug ni Kiristu ag may kabahagi sa kay taratu Diyus kay tinupad sa kan Kiristu Hisus.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Diyuturunumiyu 7:9

Alalahana niyu ti Panginuun niyu Diyus imaw lang ti Diyus. Masarigan siya pag Diyus, ag pagtupadun niya kay kasunduan tugka sa manga sinulput manga magmahal sa kanya ag magsunud sa kay manga sugu.

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

1 Tisalunika 2:12

Pinabisug nimi kanyu nalub-anan, pinasulung ag binutung sa mag-ugali kang-ud sa kay magbantay Diyus, imaw ti nagpili sa kanyu hampay makatanggap kahuray sa kay kaharian hanggan kadayawan.

2 Tisalunika 2:14

Nakan kay binutung kamu Diyus pagka itinudlu nimi sa kanyu ti Mayad pag Barita hampay sa kanyu yi kay kadayawan nita Panginuun Hisu-Kiristu.

2 Tisalunika 3:3

Masarigan ti Panginuun. Kay pakan-an gid kamu kay kabisugan, kay di alagaan kamu sa diyablu.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

2 Timutiyu 2:13

Nu unman matinupadun kita, si Kiristu matinupadun di. Dahil unman mitanggi niya kay sadili.”

Titu 1:2

agud magsarig sida sa buhi unman may katapusan. Udwaya linalang ti kalibutan daan di itinaratu Diyus ti buhi unman may katapusan. Ti Diyus unman madunung magpudil.

Hibriyu 10:23

Pagpakarig-un kita sa kanta inaku pag sarig, danga kita mag-alinlangan. Dahil Diyus ti may taratu ag lubus siya masarigan dayu pumudil.

Hibriyu 11:11

Dahil sa kay pagsarig ni Abraham, nakatanggap siya kabisugan hampay magpabuduy sa kan Sara madi lipas yi kay idad ni Abraham, ag unman mag-anak si Sara. Sinarigan niya lubus ti Diyus ti nangaku ag ti dayu pumalya.

Hibriyu 2:17

Nakan ngani kailangan siya parihu diman waydi sa kay manga patar-ari sa tanan manga bagay hampay siya usa ka pangulu manughandug sa Balay Diyus maawaun ag matinupadun sa kay magsirbi sa Diyus, hampay mapatawad Diyus ti kasalanan manga tawu.

Hibriyu 3:1

Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

Hibriyu 3:14

Kita kaibahan yi ni Kiristu nu marig-un kita pag magsarig ginan sa umpisa ag nu unman kita bumul-iw hanggan tugka sa katapusan.

Hibriyu 6:18

Ti sumpa kag ti taratu balaw magkauman ag dayu mahimu makapudil ti Diyus. Nakan kita ti manga nagdangup sa kanya, marig-un kita sa kanta maghingabut sa kay itinaratu.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

1 Huwan 1:3

Tunda ngani ti kanmi nakitan ag nadnugan imaw yi kanmi pag-itultul sa kanyu hampay kamu hanggan magpakiusa sa kanmi. Kita magpakiusa yi gid sa Ama ag sa kay Anak, sa kan Hisu-Kiristu.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

1 Huwan 4:13

Nakan magkaalaman nita kita nangulian sa Diyus ag ti Diyus nangulian waydi sa kanta, dahil kita hinurayan waydi kay Ispiritu Banal.

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.