1 Kurintu 1:8 - Hanunuu

⁸ Si Hisu-Kiristu diman ti pumarig-un sa kanyu hanggan tugka sa katapusan hampay unman may ikasabi sa kanyu sa kaudasan pagras-ug nita Panginuun Hisu-Kiristu.

1 Kurintu 1:8 Iomraidhean Croise

Kanta 37:17

Dahil bul-un Panginuun ti kabisugan manga daut, dapat awatan niya ti manga matadlung.

Kanta 37:28

Dahil magkaibug ti Panginuun sa katadlungan ag balaw niya pagpabay-anan ti manga matinupadun sa kanya. Pag-alagaan niya sida hanggan aban, dapat ti manga linahi manga daut palayasun sa daga Israil.

Lukas 17:24

Dahil nu magkilat kabay magkarayawan ti langit baliw-baliw. Katida waydi ti Anak Tawu sa kay kaudasan niya pagras-ug aban.

Lukas 17:30

Katunda diman nu miburayhaw yi aban ti Anak Tawu.

Ruma 14:4

Hayga lugud kawu magpihu nu daut nu mayad ti manga suruguun iba tawu? Kay amu lang ti makasabi nu ngatay siya matinupadun aw ngatay unman. Pihu gid siya balaw dayuun dahil kay Panginuun ti may kapangyarihan magtudlu sa kay suruguun hampay magbuwat mayad.

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

Ruma 8:19

Ti tanan linalang Diyus magpatigagad yi gid sa kaudasan nu mipaburayhaw yi Diyus aban kay manga anak niya.

1 Kurintu 3:13

ti buwat kada tawu makitan di aban. Dahil nu kaudasan yi pagras-ug ni Kiristu bag-u maalaman yi tunda. Sapagka sa apuy pihu pag makilala. Ti apuy ti sumubuk kada tawu buwat nu kabitay.

1 Kurintu 5:5

Pagka kamu tiripun yi, ipabahala yi niyu sa kan Satanas tunda pag tawu, hampay dautun kay bilug, dapat iribri di kay karadwa sa kaudasan pagras-ug Panginuun Hisus.

2 Kurintu 1:13

Nakan ngani danga waydi niyu pagpasiingi ti kaayadan nimi manga surat sa kanyu. Magsarig aku maintindihan niyu kami aban.

2 Kurintu 1:14

Dahil udwaya masyadu maintindihan niyu kainda kuntay nu rumas-ug aban ti kaudasan Panginuun Hisus, kamu dumayaw sa Panginuun dahil sa kanmi, kumun diman kami dumayaw sa kanya dahil sa kanyu.

2 Kurintu 1:21

Diyus ti nagparig-un sa kanmi hanggan sa kanyu dahil sa kanta pakiusa sa kan Kiristu. Siya diman ti nagpili sa kanta.

Ipisu 5:27

Kay binuwat niya tunda hampay ipaatubang niya sa kay atubangan ti iglisya masnag, unman may huput kadautan, unman may yukut, lubus nasakup sa Diyus, lubus yi lang marinu.

Pilipus 1:10

Nu katida madunung kamu magpili sa pinakamayad. Bag-u kamu manga malumpiyu yi ag unman may ikasabi sa kaudasan aban nu rumas-ug si Kiristu.

Pilipus 1:6

Alam niku pihu gid tapusun Diyus hanggan sa udwaya kaudasan pagbalik ni Kiristu Hisus ti mayad pag tarabahu kay inumpisahan sa kanyu.

Kulusas 1:22

Dapat ay kamu pinausa Diyus tag sa kay sadili, dahil sa kay kamatayan ni Kiristu angay sa kay pagkatawu, hampay kamu ipaatubang sa Diyus ud may ikasabi, manga sakup yi sa Diyus, unman may kutub daut.

Kulusas 2:7

Pagga may gamut tulusan kamu sa kanya ag isarig niyu kanyu buhi sa kanya. Pagpakarig-un kamu sa kanyu pagsarig angay sa itinudlu sa kanyu. Pagpirmi yi gid kamu pagpasalamat sa Diyus.

1 Tisalunika 3:13

Nu katida ti mangyari, pabisugun niya kanyu tagipusuun hampay lubus yi kamu sakup sa Diyus Ama ag unman may kasalanan sa kay pagras-ug nita Panginuun Hisus kaibahan ti tanan manga napasakup sa kanya.

1 Tisalunika 5:2

Dahil alam yi waydi niyu ti pagras-ug kaudasan Panginuun parihu sa pagras-ug mananakaw sa yabi.

2 Tisalunika 2:2

danga kamu magkataranta, danga waydi magkaaburidu sa manga barita tawu kuntay rinmas-ug yi ti kaudasan Panginuun. Danga kamu magpaniwala una kanda sabi ipinurupita kunu tunda, una abi itinultul kunu una abi kunu sa surat ginan sa kanmi.

2 Tisalunika 3:3

Masarigan ti Panginuun. Kay pakan-an gid kamu kay kabisugan, kay di alagaan kamu sa diyablu.

2 Timutiyu 1:12

Tida ngani kay dahilan nakan aku mag-agwanta inda pag kakurian. Dapat ay una katida unman aku mag-alinlangan. Dahil lubus niku magkakilala kang Panginuun kang pagsarigan. Pihu gid kaya niya maingatan ti kang inintirga sa kanya hanggan sa ud rumas-ug ti kaudasan Panginuun.

2 Timutiyu 1:18

Pagsa kanya kay pangaawa Panginuun nu kaudasan yi aban pagbalik Panginuun. Alam diman gid nimu nu kabitay siya pag nagsirbi sa iglisya ati sa Ipisu.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

2 Pidru 3:14

Nakan ngani duy manga patar-ari, hanggan kamu mag-alagad waya, intindiha gid niyu kanyu ugali buhi hampay may kahusayan, unman may uring, ud may kadautan sa kay magbantay Panginuun.