1 Kurintu 1:11 - Hanunuu

¹¹ Dahil manga katawuhan diman ni Kuluwi ti nagtultul sa kangku, manga patar-ari, magkun, ti iba sa kanyu kunu may magtalaluhan.

1 Kurintu 1:11 Iomraidhean Croise

Gimpuunan 27:42

Dapat nabaritaan ni Ribika kay gayak ni Isaw, nakan ipinatawag niya si Hakub ag magkun, “Kanmu aka si Isaw maggayak mumatay sa kanmu hampay madura kay galit sa kanmu.

Gimpuunan 37:2

Inda ti tultulanun tungkul sa magtal-anakan ni Hakub: Igu 17 ka timpu si Husi, magbantay siya manga hayup kaibahan niya manga patar-ari kay anak ni Bilha ag ni Silpa, manga asawa niya ama. Itinapat ni Husi sa kanda ama ti daut pag buruwatun niya manga patar-ari.

Kabagawan 13:10

Sa subra pagpadayaw, may manga tawu unman magpatingi sa patigayun, ag inda pagpun-an kaguluhan. Nu gustu nida dumunung kailangan pagpatingi sida sa patigayun.

Kabagawan 18:6

Ti manga pagbagawun unman may intindi pag tawu makapaumpisa arawayan ag makapakaun kakurian sa kay sadili.

1 Kurintu 1:10

Taynguna kang pagsabihun sa kanyu, manga patar-ari, dahil sa karampatan nita Panginuun Hisu-Kiristu, kailangan kamu pag-arangayan. Una sa kanyu bagaw danga kamu magtalaluhan. Pagkarausa kanyu naisipan hanggan kanyu turunu.

1 Kurintu 1:12

Inda kang gustu sabihun, ti kada usa hayga magsabi magkun, “Aku sa kan Pablu,” ti iba magkun, “Aku sa kan Apulus,” magkun maan ti usa, “Aku sa kan Pidru,” bag-u may magsabi waya gid, “Aku sa kan Kiristu.”

1 Kurintu 11:18

Dahil un-an sa tanan naalaman niku nu kamu ti manga napasakup sa kan Hisus magtiripun, unman maaw magparaangayan kamu. Ag bilang ga magpasnu yi ngap aku.

1 Kurintu 3:3

Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Galasya 5:15

Dapat nu kamu ga hayup magkaragtan magsiribaan, barang mapapas kamu.

Galasya 5:20

ti magsamba sa diyus-diyusan, ti magpadaya, ti magkutub daut, ti magkagalit, ti mag-imun, ti magkaradat-an, ti maramuun, ti magkinanya-kanya yi isip, ti mag-arapinan,

Galasya 5:26

Danga kita palabi-labihun, maraaway, danga kita maghirirakan.

Pilipus 2:14

Buwata niyu ti tanan pag manga bagay danga sa pilitan ag danga waydi sa barungbadu.

1 Timutiyu 6:4

tunda pag tawu magpadayaw-dayaw dapat unman may kadunungan. Naugalian yi waydi niya ti parairgu hanggan ti aratwan tungkul sa manga sanglitan, imaw ti pagpun-an durumtan, kagalitan, puruyaan hanggan magbarangdanan,

Titu 3:9

Iwasan nimu ti manga dibati unman may pulus, ti manga tultulanun aba pag listahan nida manga ginurang, ti maglalabanan hanggan mag-arawayan tungkul sa Kasuguan. Dahil ti katunda unman makinabangan, unman diman may pulus.