Ravrava non Pol lalai ata Rom 1:1 - Hano Niu Testamen

¹ Nin Pol, atatun rovoga non Kraes Jisas. God nu uloiau be nai vora non hala i nu gita luau be nai vev lua Roroi Tavuha.

Ravrava non Pol lalai ata Rom 1:1 Iomraidhean Croise

Leo Tavuha gabe Mak nu Ravae 1:14

Ataguna be Jon mwa dogo lol imwa vauvauhi Jisas mwa ban vai Kalili i mwa doretore huri Roroi tavuha nin God.

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Leo Tavuha gabe Jon nu Ravae 15:15

Nasav mom uloi te kimiu be noḡu atatun rovoga, bwatuna be atatun rovoga mwa hav ilo te havanau be non ratahigi mwa lolia. Take nam uloi kimiu be noḡu buluana, bwatuna be nan vev ginau duluai lalai kimiu gabe nan ron̄oe nin Tamaḡu.

Leo Tavuha gabe Jon nu Ravae 15:20

Giv vinihi dum havanau gabe nan vevea lalai kimiu be: ‘Turin rovoga mwa hav tomua tehe nin non ratahigi.’ Be rav lol ḡagarasiau, rav lol ḡagaras kimiu mulei; be rav tabe noḡu silo vagahi, rav tabe nomiu mulei.

Lalaḡova 13:9

Haḡe Sol gabe mwa iloana na ihana be Pol kea mwa masiri gin Vui Sabuga, mwa ḡita mutmutai atatun vuison̄son̄o

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Lalaḡova 21:40

Haḡe tomuai ḡoro atatun bwaloana mwa bev serae lalai sinombu, haḡe Pol mwa du amare mwa rarau mwa borotai sinombu gin limana be rav to gogonai. I mahavana be ram do gogonai, Pol mwa avo lalainira la avoana ata Hibru mwa bevea be.

Lalaḡova 22:21

Ratahigi mwa bevea lalaiau be ‘Vano,’ bwatuna Inau nav horago vai hautu huri ira Lolobon̄i.”

Lalaḡova 22:7

I nam hovi vai lol tano nam ron̄ silo mwa bevea lalaiau be, ‘Sol, Sol! Huri hano gom lol ḡagarasiau?’

Lalaḡova 26:1

Akiriba mwa bevea lalai Pol be, “Nu tavuha be gov avo hurigo sibomwa kadogaha.” Haḡe Pol mwa hagai limana amare mwa bevea be:

Lalaḡova 26:14

Kamai duluai gam hovi vai lol tano, i nam ron̄ silo mwa avo lalaiau la avoana ata Hibru be, Sol, Sol! Huri hano gom loliau kun geki? Gom lol hantainigo sibomwa, giḡo kun buluki be ram wehia mwa ḡari gai be ram wehia ginia?

Lalaḡova 27:23

Bwatuna be kahabon̄i enjel non God be nu horau i nam ḡogonai nia nu visirai abeku,

Lalaḡova 9:15

Ratahigi mwa bevea lalainia be, “Vano, bwatuna be nan uloinia be vi lalaḡo lalaiau, be vi seserai ihaku lalai ira Lolobon̄i i ira ratahigi lavoa i sinombu ira Jius.

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 1:9

Inau nam lol rovoga non God mai ira noḡu binbinihi be namen vev lua Roroi Tavuha non nituna, mwa iloe be inau tagaro nam bev kimiu

Ravrava non Pol lalai ata Rom 11:13

Kadogaha nam avo mai kimiu be ira Lolobon̄i. Inau nam bora hala non kera ira Lolobon̄i, i kadogaha be nam haḡo rovoga geki, nav lol rovoga geki vi liu.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

Ravrava non Pol lalai ata Rom 15:29

Nam iloe be lol taro be nav mai abemiu nav lai vatavuha non Kraes duluai.

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

1 Korin 1:1

Nin Pol, be God mwa uloinia huri non doroniva be vi vora hala non Kraes Jisas, i mulei nin tuada Sostenes.

1 Korin 9:1

Huri hano? Inau atat vuroi? Inau hala vwate? Nan gita Jisas nonda Ratahigi huba! Kimiu duluai sinombu kea vwain noḡu rovoga lol ihan God.

2 Korin 1:1

Nin Pol hala non Kraes Jisas. Inau horata bwatuna be kea haḡea hano be God mwa doroniau huria. Mulei nin Timoti tuada lol Kraes. Lalai uloilua non God Korin, i lalai sinombu non God duluai vataha ute la ḡereḡeren Kris.

2 Korin 11:5

Nam hav binihia tehe be kera, “ira hala lavoa” kera ran tavuha liuau.

2 Korin 11:7

Nan toretore huri Leo Tavuha non God lalai kimiu voliku sigai. Nan lolia siboku kun be nan hav vora te muai atatu be kimiu giv vora muai atatu. Gim binihia be kunia nu vahala?

2 Korin 12:11

Nam avo kun daloi, take kimiu haḡea gim lolia nam lolia kunia. Kimiu haḡea be mwa du be gis vev ginau tavuha huriau. Inau nam mai gi ginau vuroi, take kera “ira hala lavoa” be lalavoa ram hav dadariha te n̄an maiau!

2 Korin 2:12

Batena be nan mai vai Troas be nav toretore alun Leo Tavuha huri Kraes, Ratahigi nu lai taro tavuha vwat lalaiau aia.

2 Korin 4:5

Gam hav toretore te huri kamai sibomai, take gam doretore be Jisas Kraes kea Ratahigi i kamai nomiu atatun rovoga huri Jisas.

Kelesia 1:1

Nin Pol, be nu uloinia be vi vora hala nu hav gita te luau be nai vora hala la hala non atatu, sage atatu ram hav horau tehe. Inau nam bora hala sivi Jisas Kraes i God Tata be nu tomarei Jisas nin mateana.

Ifisas 1:1

Nin Pol hala non Jisas Kraes. Inau hurihuri bwatuna be kea haḡea havanau gabe God nu doronia. Lalai ira sinombu sabuga non Kraes be ram dogo Ivisas, ram binihi alun Kraes Jisas.

Ifisas 1:13

Haḡe kea mai kimiu mahavana be gin ron̄ mwasin silo vagahi huri Roroi Tavuha be vi lai varahuva lalai kimiu, kimiu gim binihimwasigi alun Kraes. I lol Kraes, God mwa dau mwasin non dovon̄a alun gogonaiana alumiu, ginia be mwa lai non Vui Sabuga gabe nu tatauleo huria.

Ifisas 4:11

I Kraes nu lai hogoi lalai sinombu nu lol rituai be rai vora hala, i rituai rav vora atatun vevsera, i rituai be rai vora ira toretore, i rituai be rav haḡo rovoga be ramen haḡoe ba gitaḡoro tavuhai i ba bagahi sinombu non God.

Filipae 1:1

Nin Pol Timoti atatun rovoga non Kraes Jisas. Lalai ira sabuga duluai non God lol Kraes Jisas. Lalai ira sabuga duluai non God lol Kraes Jisas be gim dogo Vilipae, maira bwatmetue i ira Dikon.

Filipae 2:11

I Kera duluai rav seserainia be Jisas Kraes kea Ratahigi, vi lai sarisari lalai God Tata.

Kolosi 1:1

Nin Pol, hala non Kraes Jisas. Inau nam bora hala bwatuna kea hano be God mwa doronia. Mulei nin Timoti, gabe tuada.

Kolosi 1:25

Nam mai gi atatun rovoga gea kea haḡea be nai vev n̄oto rovoga non God.

1 Tesalonaeka 2:2

Amua gam siv mai vai abemiu, gan ron̄ ḡagarasi Vilipae, sinombu ataa aia ran av bavahiru kamai, kun gim iloe be, sinombu ivusi ran tuḡoro kamai. Take nomai God nu tura kamai be gosav matagu tehe i gav vev sera non Roroi Tavuha.

1 Tesalonaeka 2:8

Bwatuna be gan tabe kimiu, gan ron̄ mwandavuha be gav bete mai kimiu, nu hav vora te Roroi Tavuha non God n̄ano take rahumai sibomai mulei. Kimiu gin mai sosori maragai gin lolomai.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Timoti 1:1

Nin Pol, hala non Kraes Jisas, gin avoan wasi non God varahuda i Kraes Jisas nonda doron hohovi.

1 Timoti 2:7

Ran gita luau be nai vora hala be nav vagahi ira Lolobon̄i be rav binihimwasigi garagusi i rav ilo mwasigi. Nam hav tentene tehe; ta nam bev mwasigi!

2 Timoti 1:11

God nu gita luau be nav vev Leo Tavuha i nai vora hala i vagahi.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Hibru 5:4

Atatu vwate mwa hav gita te lua muleinia sibona be kea vi vora Muai Tataroi. Take kea uloana non God be mwa uloi lua atatu vwate be men vara muai tataroi, kunia be Aron nu vora muai tataroi.

Hibru 7:26

Jisas mwasigi nu votui tovtovo huri nonda muai tataroi. Kea atat vavtutu be non vahalana sigai, i ginau vwate nu hav lol te hantainia. Kea gaituvwa dolua nin atat hahantai, i God mwa daria haehae liu ninira duluai be ram dogo lol ute atamare.

Jemes 1:1

Inau Semes atatun rovoga non Ratahigi i Jisas Kraes: Avoan helheloi i mwa bano lalai sinombu non God be ram du vataha ute lol ureure.

1 Pita 4:17

Taron vevegi be mwa dau bwatuna mai atatu ata lol imwan God. I kebe vevegi gea vi tau bwatuna mai gida, Havanau haḡea vi loli lalai sinombu be ram hav lin̄ te maḡemu huri Leo Tavuha non God?

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

Ravrava nin Jud 1:1

Nin Jud atatun rovoga non Jisas Kraes i tuan Semes. Lalai atatu duluai be God nu Uloinira. God Tata nu tabe kimiu, i kimiu gin rahu lol Jisas Kraes:

Visirai 1:1

Geki hano be Jon nu ravae huri Jisas Kraes be God nu laia lalainia, be vi seserainia lalai ira non atatun rovoga huri havanau be vi loli. I Jisas mwa hora non enjel be rav seserainia lalai non atatun rovoga Jon,

Visirai 22:6

Haḡe mwa bevea lalaiau be: “Avoana kera geki rav mwasigi, i mwa du be vi vinihi mwasigiana na Ratahigi God n̄ano mwa domuai rahun non atatun vevsera, i kea n̄an gaituvwa be nu hora non enjel be vi seserainia lalai ira non atatun rovoga havanau be vi loli be ramen loli darihou.”

Visirai 22:9

Take enjel mwa bevea be, “Gosav lolia te kunia. Inau atatu n̄an kunigo, inau atatun rovoga n̄an kunigo mai ira tuada i ira atatun vevsera mai ira hei duluai gabe ram ron̄ avoana duluai ata lol buka geki. Take giv gogonai God n̄an gaituvwa.”