Leo Tavuha gabe Luk nu Ravae 16:2 - Hano Niu Testamen

² Haḡe ratahigi mwa hora huria be men mai vai abena i mwa hudalinia be, ‘Hano gabe nam ron̄oe hurigo? Gov hagai lua ravrav seserai lalaiau huri hala duluai gabe gom lalaḡoi rosoku aluna, huri be gosav mom bora te noḡu gitaḡoro.’

Leo Tavuha gabe Luk nu Ravae 16:2 Iomraidhean Croise

Matiu 12:36

“I nam bevea lalai kimiu kungeki be lol gubwen̄ vevegi vatahahei vi vev seserai duluai vataha avoan mamara be nu vevea.

Matiu 20:8

“Ute ravravi, ratahigi mwa hora tomuai huri non atatun rovoga be, ‘Gov warera ram lol rovoga rai mai, i goi volira. Gov tau bwatuna ba bolira alura ran tau bwatun rovoga atagu, i vi nogo alura ran tau bwatun rovoga amua.’

Leo Tavuha gabe Luk nu Ravae 12:20

Take God mwa bevea lalainia be, ‘Giḡo taltaleana! Garigi bon̄i rahumwa vi nogo; vuvuri ihei vi lai ginau duluai gabe gom lalaḡoinira hurigo sibomwa?’ ”

Leo Tavuha gabe Luk nu Ravae 12:42

Haḡe Ratahigi mwa bwaliua mwa bevea be, “Matu ihei atatun rovoga binihi marahi i mataisao? Kea be non ratahigi vi taria be vi ratahigi ḡoro imwa i vi harabora tatan̄an ginaganiana lalai atatun rovoga rituai la mwasin mahavana.

Leo Tavuha gabe Luk nu Ravae 16:1

Haḡe Jisas mwa avo lalainira non roron̄tai mwa bevea be, “Ratahigin homu vwate non atatun rovoga abena gabe mwa ḡitaḡoro non rovoga. Mahavan vwate atatu rituai ram mai ram bevea lalai atat rosoga gea be wani gabe mwa ḡitaḡoro non rovoga mwa lol bwarebware non homu.

Leo Tavuha gabe Luk nu Ravae 16:3

Haḡe atatun rovoga mwa bevea ginia sibona be ‘Noḡu ratahigi vi vev dagaiau nin noḡu rovoga. Nav lol hano? Nam hav wasi te dadariha be nav gel dum halan wai, i nam busbusi be nav uraura.

Ravrava non Pol lalai ata Rom 14:12

I gida duluai tav lai avoan vwaliu lalai God.

1 Korin 1:11

Atatu rituai nin varan Kloe ram seserainia lalaiau be gim bigaigai ḡaoḡao gingin kimiu.

1 Korin 4:2

Kunia la hala haḡea geki kera gabe mwa dau non butuana alura, alun raumatan ginau be mwa du dahuligi radu rav seserainia be kera ran dadariha alun taritari gea be mwa daria alura.

1 Korin 4:5

Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.

2 Korin 5:10

Bwatuna be gida duluai tav tu la lolmatan Kraes be vi harahara lalai gida. Gida gaitutuvwai mwa du be tav lai havanau mwa du be tav lai dumwia, tavuha sa hantai huri ginau be tan lolira teti lol ureure mai rebehida.

1 Timoti 4:14

Batena be ira atatun vevsera ran lai avoana lalainigo i ira tomuai lol uloilua, ran tau limara alun bwatumwa. God nu lai muramura lalainigo be gov lol non rovoga. Gosav mom dau te muramura gea be vi togo bonogai.

1 Timoti 5:24

Bwatigoro non sinombu rituai nu maron̄ron̄o be vi gitan dumwi vuvuri mwa sivora silo vevegi, take vuron kera rituai vi siv gitan batoi atagu.

1 Pita 4:10

Kimiu gaitutuvwai gin lai hogoi be giv lol ron̄oe ba bului atat dodolua. Giv tavuha ira turin rovoga non God mai lalan̄an hogoi gin vatavuha.

1 Pita 4:5

Gubwen̄ vwate rav vev melmeloinia lalai God, kea be mwa lol vatuvwai be vi vevegi rahuana i mateana.

Visirai 20:12

I nam ḡita atat mate duluai, be ram du la lolmatan tanon togotogon ratahigi gea. Kera duluai gea be tuai, ran vora ira lavoa mai ira atat hivhivo. Haḡe ira enjel ram bugeri buka rituai, i ram bugeri bukan rahuana mulei. Haḡe mwa bevegira be ran mate gin havanau gabe nu ravan ḡoro lol buka hurin nora lalaḡova.