Leo Tavuha gabe Luk nu Ravae 10:2 - Hano Niu Testamen

² Kea mwa bevea lalainira be, “Gita ginaganiana gaivua maragai lol ara, take atatu gaiviha n̄an ram lol vatuvwai be rav laia vai anvanua. Mwa du be vi hudali mutmutai wani be bilan ute huri be vi mom hora atatu rituai mulei rai van ba mom lai ginaganiana.

Leo Tavuha gabe Luk nu Ravae 10:2 Iomraidhean Croise

Matiu 20:1

“Ute Lavoa atamare kun geki. Ratahigin talu vwate bilan ute loloara mwa riv taligaon waen alolona, i mwa domare mabon̄i mwa hiḡe atatu be rav lol rovoga lol taluna.

Leo Tavuha gabe Mak nu Ravae 13:34

Vi ḡun atatu gabe mwa ban dagai nin vanuana vai la vanua dolua hautu i mwa dari non atatun rovoga rituai be rav gitaḡoro vataha tatan̄an rovoga be mwa laia vatvatahara be rav lolia. I mwa bevea lalai wani mwa ḡitaḡoro gatava be vi mamata.

Leo Tavuha gabe Mak nu Ravae 16:15

Haḡe Jisas mwa bevea lalainira be, “Gin van lol ureure duluai ba doretore huri Leo Tavuha.

Leo Tavuha gabe Mak nu Ravae 16:20

Ira roron̄tai ram ban ram doretore vataha ute, i Ratahigi mwa lalaḡo bul maira i mwa dovon̄ainia be nora toretore nu mwasigi gin ginau dan̄an̄a ivusi be ram lolia.] [

Leo Tavuha gabe Luk nu Ravae 9:1

Haḡe Jisas mwa ware ira roron̄tai han̄vul domwan gairua vai utegaituvwa, i mwa lai muramura mai roron̄o lalainira be rav hora lua vui hantai duluai i rav varahu harova.

Lalaḡova 11:19

Haḡe ira binihimwasigi rituai gabe ran visalsala lol mahavan taron ron̄ ḡagarasi batena be ram wehi Stivin i ram bano vai la vanua, Vonisia, Saipras, i Antiok, ram bev roroi lalai ira Jius n̄ano.

Lalaḡova 13:2

Mahavana be ram lol rovoga lalai Ratahigi i ram ḡaragaravwavwa, Vui Sabuga mwa bevea lalainira be, “Nam doron be giv tari Banabas mai Sol, huri rovoga be nan uloinira huria.”

Lalaḡova 13:4

Haḡe mwa hora lua ira tarua geki gin roron̄o non Vui Sabuga, Banabas mai Sol ramuru bano vai Selusia i ramuru bano nin aia la waḡa vai Saipras.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Lalaḡova 22:21

Ratahigi mwa bevea lalaiau be ‘Vano,’ bwatuna Inau nav horago vai hautu huri ira Lolobon̄i.”

Lalaḡova 8:4

Haḡe ira binihimwasigi be ran rov maragai ram doretore huri roroi tavuha lol vanua Samaria.

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Filipae 2:21

Sinombu rituai ram binihi huri rahura n̄an sibora, barabe huri rovoga non Jisas Kraes.

Filipae 2:25

Epavrodaetas, tuaku lol Kraes, mwa lol rovoga i mwa lalaḡo maiau gi atatun bwaloana non Kraes. Batena be nan doron buluiana, gin horae vai abeku. Nam binihia kadogaha be nav hora muleinia vai abemiu,

Filipae 2:30

bwatuna be nu abena be si mate huri rovogan Kraes. Mwa lin̄ rahuna be vi lai lalaiau buluiana be kimiu gisav lai te dumwia lol nomiu lalaḡov lalaiau.

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Tesalonaeka 5:12

Kadogaha, ira tuaku, gam hudali kimiu be, giv binihimarahi kera be ram lol rovoga hahavwani mai kimiu, kera be ram domuai kimiu vai lol Ratahigi i ram bagahi kimiu.

2 Tesalonaeka 3:1

I kadogaha ira tuaku, giv tataro huri kamai be silo vagahi non God vi tu rahurahu i vi lon̄ahi vilvilehi ute i sinombu rav lol gogonai ira silo vagahi keragea, kunia be nu loli maigo.

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.

2 Timoti 4:5

Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

Filimon 1:1

Nin Pol atat vauvauhi lol Kraes Jisas, i nin Timoti tuada. Lalai Vilimon, mwasin nonda buluana i atatun rovoga bul mai gida;

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Visirai 2:1

Gov rav noḡu avoana vi vano lalai enjel lol uloilua Ivisas ba bevea be: “Geki noḡu avoana haḡea be nam haḡo visiu gaibitu la mwatuaku, i nam lago lol davolan gaihaḡon bulu gaibitu be gulina kun vatan̄oga.