Jemes 4:8 - Hano Niu Testamen

⁸ Mai sosori vai aben God, i God vi mai sosorigo. Giv bwaga limamiu ira atat vuroga! Giv lol melmeloi irubwimiu, kimiu ira hoḡoiḡoro!

Jemes 4:8 Iomraidhean Croise

Matiu 12:33

“Be gim doron vwaigai tavuha, giv riv gai tavuha. Be giv riv gai hahantai, giv lai vwaigai hantai. Bwatuna gai mwa iloana alun vwaina.

Matiu 15:2

“Huri hano nom roron̄tai ram lol salil silo, mwa huriana nin ira sibida mwa mai tuai? Huri be ras bwaga limara vuvuri ram siv gan ginau.”

Matiu 27:24

Mahavana be Paelat mwa ḡitae be si hav lol te dum hano, bwatuna mwa avo daligi maira i mwa bwaga limana la lolmatan sinombu i mwa bevea be, “Noḡu nu sigai alun mateanan wani uhu, ta nomiu mahaḡea!”

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

1 Timoti 2:8

Nam doron atatu vataha ute be rav tataro, rav hagai limara amare la hala be nu sabuga, be lol horo sigai i vigaigaiana.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 3:21

I wai gea nu ḡun garuhisabuga be kadogaha mwa barahugo, i nu hav bwaga te dagai han̄ora nin rebehi, take tatauleo be nu loliana lalai God nin binihiv tavuha. I geki huribe Jisas Kraes nu tomare nin mateana.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.