Jemes 4:4 - Hano Niu Testamen

⁴ Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

Jemes 4:4 Iomraidhean Croise

Matiu 12:39

Take Jisas mwa bwaliura be, “Kimiu ata lol gubwen̄ garigi ira mwasin atat taltale, i God sigai alolomiu! Gim doron dovon̄a niniau. Take nasav lol te dovon̄a. Nomiu dovon̄a kea gabe atatun vevsera Jona nu lolia.

Matiu 16:4

Kimiu ata lol gubwen̄i garigi be gim doron be giv gita dovon̄a, kimiu ira atat hahantai, gabe gim daleva nin God! Gim hudaliau huri dovon̄a? Sigai! Dovon̄a vi laia lalai kimiu kea n̄an gabe nu loli lalai Jona, atatun vevsera.” Haḡe Jisas mwa derainira, mwa ban dagai.

Matiu 6:24

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

Leo Tavuha gabe Luk nu Ravae 19:27

Take hurira noḡu ivwalu gabe ram hav doroniau tehe be nav vora nora Ratahigi Lavoa, giv laira vai teti be wehi bamatera lol mataku!’ ”

Leo Tavuha gabe Jon nu Ravae 15:19

Be gis vora bilan ureure, kunia ureure si tabe kimiu kun gabe bilana sibona. Take nan gita lua kimiu nin ureure geki, i kimiu gim hav vora te bilana; i bwatuna higea ureure mwa barihai kimiu.

Leo Tavuha gabe Jon nu Ravae 17:14

Nan lai nom roroi lalainira, take ureure mwa barihainira, bwatuna be ram hav vora te bilan ureure, kunia n̄an mulei be inau nam hav vora te bilan ureure.

Leo Tavuha gabe Jon nu Ravae 7:7

Haḡe ureure sihav varihai te kimiu, take vi varihaiau, bwatuna be nam bev ḡaoḡaoinia be hala be mwa rovo aluna ran hav tavuha tehe.

Ravrava non Pol lalai ata Rom 5:10

Lol taro be tan vora ivwalu non God, nu mwemwearu mai gida sivi mateanan nituna kadogaha be gida tam bora ira tuana, kea vi varahu gida sivi rahuana non nituna.

Ravrava non Pol lalai ata Rom 8:7

La mahavana be binihin atatu mwa lalaḡo hurin non doroniva sibona, kea nu hav tavuha tehe la lolmatan God huribe ram hav doron te didi huri silo non God i ram hav doron te mwasigi be ramen huri silo non God.

1 Korin 1:20

Atat mataisaoga geki behe? Atat iloute kehibehe? Gaivamaten avoana ata lol ureure kehibehe? God nu lol mataisao ata lol ureure be rav bwaḡelega.

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

Kelesia 1:10

Gim binibe nam lol ron̄oe be namen lol atatu ba ramen ron̄ hano be nam bevea? Sigai, God haḡe gaituvwa be nam lol ron̄oe be namen lol samsamwarainia. Nam lol ron̄oe be namen lol samsamwarai atatu? Be nam doron radu be namen lol samsamwarai atatu, nasav vora te atatun rovoga non Kraes.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.