Jemes 3:1 - Hano Niu Testamen

¹ Ira tuaku duluai be nam dabera, mwa hav tu tehe be kimiu ivusi giv mai gi vagahi, bwatuna be gom iloe be gida be tam bagahi, vagahi vi lai vevegi wasi maragai nin atat dodolua.

Jemes 3:1 Iomraidhean Croise

Matiu 10:24

“Roron̄tai nu hav liu te nin non vagahi, i turin rovoga nu hav liu te nin non ratahigi.

Matiu 23:13

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Gim du ḡoro matanhalan Ute Lavoa atamare. Ta kimiu sibomiu gisav haroro tehe lol rahuana gea, i gim lol ḡoro atatu rituai gabe ram doron be rav haroro.

Matiu 23:14

“Hahagavi lalai kimiu, ira vagahin Silo maira Varise! Kimiu ira hogoi ḡoro! Gim ḡan bahiru ira bwero aten imwara i gim lol tataro n̄ava be men gitana. Bwatuna geki silo vevegi lalai kimiu vi wasi liu!

Matiu 9:11

Ira Varise ram ḡitae, haḡe ram hudalinira non roron̄tai be, “Huri hano nomiu vagahi mwa ḡan ginau utegaituvwa maira vev duli?”

Leo Tavuha gabe Luk nu Ravae 16:2

Haḡe ratahigi mwa hora huria be men mai vai abena i mwa hudalinia be, ‘Hano gabe nam ron̄oe hurigo? Gov hagai lua ravrav seserai lalaiau huri hala duluai gabe gom lalaḡoi rosoku aluna, huri be gosav mom bora te noḡu gitaḡoro.’

Leo Tavuha gabe Luk nu Ravae 6:37

Gisav vevegi te atatu dolua, God sihav vevegi te kimiu; gisav vevegi te hantai atatu, God sihav vevegi te dum kimiu; giv vinihi kaburai vuron atatu dolua, God vi vinihi kaburai vuromiu.

Leo Tavuha gabe Jon nu Ravae 3:10

Haḡe Jisas mwa bwaliua mwa bevea be, “Giḡo vagahi lavoa lol vanua Israel gom hav ilo te ginau geki?

Lalaḡova 13:1

Haḡe ira atatun vevsera mai ira vagahi rituai lol uloilua Antiok Banabas mai Simion mwa uloinia be gul Meto, Lusias nin Sairini, Manaen kea gabe nu togotogo mai Ratahigi Lavoa Herod, mai Sol.

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

2 Korin 5:10

Bwatuna be gida duluai tav tu la lolmatan Kraes be vi harahara lalai gida. Gida gaitutuvwai mwa du be tav lai havanau mwa du be tav lai dumwia, tavuha sa hantai huri ginau be tan lolira teti lol ureure mai rebehida.

Ifisas 4:11

I Kraes nu lai hogoi lalai sinombu nu lol rituai be rai vora hala, i rituai rav vora atatun vevsera, i rituai be rai vora ira toretore, i rituai be rav haḡo rovoga be ramen haḡoe ba gitaḡoro tavuhai i ba bagahi sinombu non God.

1 Timoti 1:7

Ram doron be rai vora vagahin silo, take ram hav ilo te halana mulei be ram bev havanau sa be ram binihimwasiginia.

1 Timoti 2:7

Ran gita luau be nai vora hala be nav vagahi ira Lolobon̄i be rav binihimwasigi garagusi i rav ilo mwasigi. Nam hav tentene tehe; ta nam bev mwasigi!

2 Timoti 1:11

God nu gita luau be nav vev Leo Tavuha i nai vora hala i vagahi.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

Jemes 1:16

Ira tuaku be nam dabe kimiu gisav vora te kun taltaleana huria.

Jemes 1:19

Ira mwasin tuaku be nam dabe kimiu, mwa du be gov roron̄tai i gov maḡemu lol avoana. Gosav lolhoro te vilvilehi,

Jemes 3:10

Avoan hantai avoan tavuha mwa mai nin bwan̄o gaituvwa n̄ano! Ira tuaku duluai, ginau geki sihav loli tehe!

1 Pita 5:3

Gisav vora te tomuai lololhoroga ḡoro sinombu be gim gitaḡoro, take giv vora malel tavtavuha lalainira.