Jemes 2:1 - Hano Niu Testamen

¹ Ira tuaku duluai be nam dabe kimiu, gim binihimwasigi lol nonda Ratahigi sarisari Jisas Kraes, i gisav vinihia tehe be atatu rituai raumatan atatu liu rituai.

Jemes 2:1 Iomraidhean Croise

Matiu 22:16

Haḡe ram hora nora roron̄tai rituai maira gabe ram huri Herod vai aben Jisas, ram bevea be, “Vagahi, gam iloe be giḡo atat mwasigi. Gom bagahi mwasigi sinombu hurin hala gabe God mwa doronia, i gom hav matagui te atatu gaituvwa, son̄o be atatu gaivua sa tirigi.

Lalaḡova 10:34

Haḡe Pita mwa bavora mwa avo mwa bevea be, “Inau nam binihimwasigi be God mwa domuai atatu duluai la hala n̄an gaituvwa.

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Lalaḡova 24:24

Gubwen̄ rituai ataguna Vilikis mwa mai mai tasalana Drusila kea vavine ata Jiu. Kea mwa hora huri Pol i mwa roron̄tainia be mwa bev non binihimwasigi garagusi alun Kraes Jisas.

Lalaḡova 7:2

Take Stivin mwa bwaliua mwa bevea be, “Ira tuaku mai ira Tata, giv roron̄taiau! Amua tamanda Ebraham nu siv vano be men togo Heran, God sarisari nu visirai lalainia Mesopotamia

Ravrava non Pol lalai ata Rom 1:11

Nam doron maragai be nav gita kimiu, i nav lai ira hogoi tataroi rituai lalai kimiu be vi lol kimiu giv tu wasigi.

1 Korin 2:8

Vwate nin ira tomuai ata lol ureure geki nu hav ilo te dum mataisao gea. Be ras ilo dum batoia, rasav voha te bolvolo Ratahigi roroa.

Kolosi 1:4

bwatuna be gan ron̄oe huri binihimwasigi garagusi be gin togo maia huri Kraes Jisas i lolotabetabe be gin haḡoe huri ira atatu non God.

1 Timoti 1:19

Gov binihimwasigi garagusi tagaro i gov lol havanau be gom iloe be nu vavtutu. Atatu rituai ram binihi marahinia, i nora binihimwasigi garagusi mwa bora kun waḡa be mwa saḡa.

1 Timoti 5:21

Lolmatan God i lolmatan Kraes Jisas i ira enjel, nam bev wasinia be gov lol ginau kera geki, gosav lai te mai ihei la hava hala tehe.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Jemes 1:16

Ira tuaku be nam dabe kimiu gisav vora te kun taltaleana huria.

Jemes 1:19

Ira mwasin tuaku be nam dabe kimiu, mwa du be gov roron̄tai i gov maḡemu lol avoana. Gosav lolhoro te vilvilehi,

Jemes 2:3

Gom seserai binihi marahi lalainia be mwa saga gaisaga tavuha i gom bevea be, “Togo mahuri la togotogo tavuha geki.” Take gom bevea lalai atat hiruga be, “Tu dagai kahaḡa, sage togo ata hurin bwalageku.”

Jemes 2:9

Take be gov vevea be atatu vwate nu liu vwate, kea gom buroga. Gom bahala huribe gom bahal silo non God.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

Ravrava nin Jud 1:16

Atatu kerageki ram av wasi i ram dultuli mai vai la kera dodolua, ram lol ginau vahala be ram doron be rav lolia. Ram av ravravwega hurira sibora, i ram lol alen̄ wasi maia atat dodolua be ramen lol hano be ram doronia.

Visirai 14:12

Bwatuna ginau geki, atat non God rav tu wasigi, ihei mwa dabe leo horai non God i mwa du wasigi alun Jisas.