Filipae 4:3 - Hano Niu Testamen

³ I nam hudali kimiu, ira tuaku be gin masiri gin binihimwasigi, giv bului ira vavine uhu. Kera ram lol rovoga buluiau be ramen vev Roroi tavuha, kera mai Klemen i rituai mulei be ram lol rovoga maiau, ihara nu ravana lol bukan rahuana.

Filipae 4:3 Iomraidhean Croise

Leo Tavuha gabe Luk nu Ravae 10:20

Take gisav samwara tehe bwatuna vui hantai ram ron̄ silomiu; ta giv samwara huri be ihamiu nu ravan ḡoro amare.”

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 16:12

Avoan helheloi mulei lalai Trivena i Trivosa, ira vavine gabe ran lol rovoga hahavwani huri God. Avoan helheloi lalai buluana Pesis, kea gabe nu lol rovoga hahavwani mulei huri God.

Ravrava non Pol lalai ata Rom 16:9

Avoan helheloi lalai Abanas, nu lol rovoga maiau huri Kraes. I avoan helheloi mulei lalai buluana Stakis.

Filipae 1:12

Ira tuaku nam doronia be giv iloe be, hano be nu loli lalaiau, nu loli huria be vi vavtutui Roroi Tavuha.

Filipae 1:16

Kera ram doretore bwatuna be nora lolotabetabe, i ram iloe be God nu laia lalaiau rovoga be nav tuḡoro Roroi Tavuha.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Filipae 1:5

Nam avkari God huri buluiana be gin lolia lalaiau batena be nan toretore huri Roroi tavuha buluiana gin lolia la muan gubwen̄i be gin siv binihimwasigi vaivotu kekadogaha.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

Filipae 4:2

Nam hudali Iuodia i Siutika be raru vi dame la ihan Ratahigi.

Kolosi 1:7

Gim ron̄oe huri hogoi non God nin Epavras, kea be gam dabea. Mwa lol rovoga ute gaituvwa mai kamai i kea atat binihimwasigi non Kraes huri kamai.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”

Visirai 20:12

I nam ḡita atat mate duluai, be ram du la lolmatan tanon togotogon ratahigi gea. Kera duluai gea be tuai, ran vora ira lavoa mai ira atat hivhivo. Haḡe ira enjel ram bugeri buka rituai, i ram bugeri bukan rahuana mulei. Haḡe mwa bevegira be ran mate gin havanau gabe nu ravan ḡoro lol buka hurin nora lalaḡova.

Visirai 20:15

Haḡe ihei tehe gabe ihana nu hav ravana tehe vai lol bukan rahuana, enjel mwa bohainira vai lol numbun wain gabi tabwalue.

Visirai 21:27

I havanau hantai mulei sihav mom haroro vai alolon bwatutun vanua gea. I rahuanan bwatigoro mulei sigai aia, sage tenteneana. Ira sinombu n̄an alolon bwatutun vanua vivora kera duluai gabe ihara nu ravana lol buka non Nitui Sipsip huri rahuana.

Visirai 3:5

Kera gabe ram muramuraga lol taron bwaloana, rav sagasagai gaisaga maita kun geki, i nasav lai te dagai dum ihara nin bukan rahuana. Haḡe nai vev luae lolmatan Tata maira non ira enjel be, kera noḡu atatu.”