Filipae 2:3 - Hano Niu Testamen

³ Batena be gim lol ginau gisav lolia tehe gin bugurana sa binihiv sage be vi tomuai kimiu. Hala kun geki, giv haḡo binihiv bahivoi i giv lai binihi marahi lalai atat dodolua liua be huri kimiu sibomiu.

Filipae 2:3 Iomraidhean Croise

Leo Tavuha gabe Luk nu Ravae 18:14

Haḡe Jisas mwa bevea be, “Nam bev lalai kimiu be, atatun harahara homu, ta mwa hav vora te Varise kea nu vavtutu la lolmatan God batena gabe nu tabagil mulei vai la vanuana. Bwatuna be ihei tehe mwa binihi lavoania sibona vi togo maḡemu, ta be ihei mwa dogo maḡemu vi mai i lavoa.”

Ravrava non Pol lalai ata Rom 12:10

Giv tabetabe kimiu gaitutuvwai. Gov lai lalai atat dolua lolotabetabe liu be lalainigo sibomwa.

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ravrava non Pol lalai ata Rom 2:8

Ta atatu rituai ram binihi sagera. Ram barihai didi huri mwasigi i ram huri lete. God vi lai lalainira non vevegi i lolhoro.

1 Korin 15:9

I inau haḡea nogonana lol ira hala duluai. Nan hav dadariha tehe be rav uloilua gi hala, huribe nam lol bwarebware uloilua non God.

1 Korin 3:3

bwatuna be kimiu gin hav masiri te radu gin Vui Sabuga. Binbinihi hantai mai vigaigaiana mwa du radu alolomiu, i geki mwa seserainia be vui sigai radu alolomiu. Kimiu gim lolia radu kun gabe sinombu ata lol ureure geki.

2 Korin 12:20

Nam binihi gairuruai be batena be nai mai, berevai gim hav vora te kunia be nam binihia be vi vora kunia, i inau nasav vora te atatu kunia be gin doroniau be nai vora kunia. Nam hen binihi gairuruai alolomiu be sigai ta vigaigaiana, binbinihi hantai, lolhoro, bwaloana, bugurana, avoan bibili, hun̄ahun̄a, binihiv sage, i vi len̄len̄aga.

Kelesia 5:15

Be giv lol rahurahuinia be giv varihai mulmulei kimiu i giv haḡo bora kimiu lealea, giv gitaḡoro, besigai giv lol n̄oto bwarebware mulmulei kimiu.

Kelesia 5:26

Tasav ravwega tehe, sage lol ginau hahantai gingin gida sage binbinihi hantai mulmulei mai gida.

Ifisas 4:2

Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Ifisas 5:21

Giru vi vinihi marahi mulmulei kimiru kun be gumuru binihi marahi Kraes.

Filipae 2:14

Gisav ḡurutu tehe lol ginau duluai be gin lolia gin vigaigaiana.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

Kolosi 3:8

Take kadogaha gov tau dagai ginau kerageki nin rahumwa: lolhoro, alen̄ wasi, loliana sage gom bev ginau be mwa lol atatu dolua mwa ron̄ mwahantai, i gam av bwarebware lol taro ron̄ mwahantai, i gom av bwarebware lol taro be gom avo.

1 Timoti 6:4

Wani gea nu masiri gin sagere i mwa ilo halan ginau vwate, take mwa haro mai doroniva huri vigaigaiana i bwaloana huri avoana. Geki mwa lai binbinihi hantai, bwaloana, avoana vai alun atat dodolua butuana,

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.

1 Pita 5:5

La hala n̄an gea, ira mwalaḡelo gara mwa du maragai be giv togo halaten ira bwatmetue. I kimiu duluai mwa du maragai be giv binihi bahivoi kimiu gaitutuvwai. “God mwa avo vai alun ravwegana, take mwa lai vatavuha lalai ira lolo maḡemu.”