Filipae 2:1 - Hano Niu Testamen

¹ Rahumiu lol Kraes mwa lai muramura lalai kimiu, non lolotabetabe mwa lol maḡomaḡo lolomiu. Gim bete ute gaituvwa lol Vui Sabuga, i gim haḡo sine hagavi i tabeana.

Filipae 2:1 Iomraidhean Croise

Leo Tavuha gabe Luk nu Ravae 2:25

La mahavan gea atatu vwate ihana Simion nu togo Jerusalem. Kea atat vavtutu mwa ḡogonai God i mwa hohovi huri gubwen̄ ribwesiva nora ata Israel. I Vui Sabuga mwa do maia,

Leo Tavuha gabe Jon nu Ravae 14:18

“Mahavana be nai vano, gisav togo te n̄an kunia gahemiu; nav mai mulei huri kimiu.

Leo Tavuha gabe Jon nu Ravae 14:27

“Tamwata haḡea ginau gabe nam derainia mai kimiu; noḡu tamwata siboku gabe nam laia lalai kimiu. Nam hav laia tehe kun gabe ureure mwa laia. Gisav binbinihi te lavoai; i gisav matagu tehe.

Leo Tavuha gabe Jon nu Ravae 17:13

Haḡe kadogaha nam mai hurigo, ta nam bev ginau kera geki bwatuna nam dogo lol ureure, huribe rav lai noḡu samwarana alolora duluai i vi masiri latlate.

Lalaḡova 2:46

Vataha gubwen̄i ram ḡoḡo ute gaituvwa vataha tatan̄ana lol Imwa Tataro, i ram ḡan gara ginau ute gaituvwa lol imwara gin samwarana i lolo tavuha,

Lalaḡova 4:32

Ira binihimwasigi ram dogo gin binihiv gaituvwa mai lolora duluai. Atatu vwate sigai alolora be mwa uloi non ginau sibona be nona gahena, take ram hara ginau be nora sibora batvatahara.

Ravrava non Pol lalai ata Rom 5:5

I doronhohov geki sihav lol te dum lolhoro lalai gida, bwatuna be God nu salil non doroniva be vi vamasiri irubwida. Kea nu lai non doroniva lalai gida sivi non Vui Sabuga, gabe God nu laia lalai gida.

Ravrava non Pol lalai ata Rom 8:26

I mulei Vui Sabuga mwa dogo mai gida lol nonda rahuan hantai. Tam hav ilo tehe halana be tav tataro kunia be tam lolia kunia. Ta Vui Sabuga sibona mwa avo lalai God huri gida, i mwa hudali God huri gida mai ron̄ova gaivua be avoana si hav vev te dum binihivanana.

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

1 Korin 15:31

Nav habwe mateana ḡaoḡao. Kea mwasigi, ira tuaku, nam samsamwara gin kimiu, huribe rahuda utegaituvwa lol Kraes Jisas nonda Ratahigi.

1 Korin 3:16

Matuke gim hav iloe tehe be kimiu imwa tataro non God i be kunia Vui Sabuga non God mwa dogo alolomiu.

2 Korin 13:14

Hogoi non nonda Ratahigi Jisas Kraes, tabetabe non God, bulbul tavuha non Vui Sabuga, vi togo mai kimiu duluai.

2 Korin 2:14

Take avkari lalai God, kea tagaro mwa domuai gida vai lol tanoi sivi Kraes. God mwa haḡo kamai be gav lon̄ahi ute gin non iloute vataha ute kun bonin ruḡuruḡu bonboni.

Kelesia 4:6

Kunia be kimiu ira nitun God, God nu hora vuin nituna vai lol irubwimiu, i vui gea nu haharigi amare be, “Tata.”

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Ifisas 4:4

Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

Filipae 1:8

God mwa iloe be nam doron maragai be nav gita kimiu, bwatuna be nam dabe kimiu duluai nin irubwin Kraes Jisas.

Filipae 3:3

Kamai haḡea mwasin ira tav dovon̄ana bilan God. Gam ḡogonai God sivi non vui, i nomai sasagerega kea lol Kraes Jisas. Gam hav tau te butuana alumai sibomai sa havanau tehe be gav lol dumwia lalai rebehimai.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

Hibru 6:18

Avoana gairua kera gea, raru sihav leahi te dumwi, i alun avoana gairua gea God sihav tententene tehe dumwi. Gida gabe tam habwe ute tavuha huba, avoana gairua gea ramuru lol nonda binihiva mwa wasi liu, i tav haḡo wasi alen̄a gea be God nu laia huba lalai gida, gabe tam dau nonda doronhohov be mwa du wasigi alun non tatauleo.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Jon 3:24

Be gida tas tabe leohorai non God, Gida tav togo maia i Kea vi togo mai gida.

1 Jon 4:12

Atatu vwate mwa hav gita te God radu, i non tabeana mwasigi mwa dogo aloloda.

1 Jon 4:16

I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.