ṬAP HLA 1:4 - Pathien Lekhabu Inthieng (BSI)

⁴ Inkhâwmpui hunbi neia chun tukhawm an hung naw leiin Zion lampui chun a sûn a, A dai kawtkhârhai po po chu râusanin a um a, a thiempuhai chu an inrûm a; A nunghâkhai chu sukrinumin an um a, ama khawm chu khâknaa chun a um a.

ṬAP HLA 1:4 Iomraidhean Croise

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

JEREMIA 10:22

Thuthang râwl chu, ngai ta, a hung mêk a nih, Juda ram chu râusan le sihalhai chêngna hmuna siem dingin hmâr ram tienga inthawk buoina nasatak a hung mêk a nih.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a fe a. a.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i puong ta chu la hung intlungtir i ta, anni khawm keia ang bawk nîng an tih.

ṬAP HLA 5:13

Tlangvâlhai chu bu râwt dingin an lâk a, Naupanghai chu thing puta pêm ṭâng ṭângin an tlu a.

ṬAP HLA 5:14

Upahai chun dai kawtkhâr an rielsan a, Tlangvâlhai chun an rimawihai chu an tâwpsan a.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi Lalpa thu suok a nih.

LEVI DÂN 26:22

Nangni lai ramsahai inhungtir ka ta, chuonghai chun in nauhai lâkpêk an ti cheu a, sukkiem tiel tiel an ti cheu a, in lampuihai chu ṭhing ṭhuop a tih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.