ṬAP HLA 1:3 - Pathien Lekhabu Inthieng (BSI)

³ Sukrinumna le sal nina nasatakah Juda chu salin a fe ta a, Awi naw mihai laia chun a khawsa a, châwl hrim a hmu nawh; Ama sukrimsituhai po po chun hmun inchêptakah an nangchîng a.

ṬAP HLA 1:3 Iomraidhean Croise

2 LALHAI 25:11

Chun, khawpui sûnga mi la um, inpehai, mipui la umhai chu vêngtu pâwl hotu Nebuzar-adan chun salah a ṭhuoi vawng a.

2 LALHAI 25:21

Chun, Babulon lal chun Hamath ram, Ribla khuoa chun a lo sukhlum a. Chuongchun, Juda chu a ram sûnga inthawka sala ṭhuoi suokin a lo um ta a.

2 LALHAI 25:4

Chun, khawpui kul chu a sukâwng a; chuongchun, zânah indo mi po po chu lal huon bul, kul bang pahni inkâra kul kawtkhârah an tlânse ta vawng a: (Kaldaihai chun khuo chu an inhuol vêl a nih:) chun, lal chu Araba lampui tieng a fe a.

2 LALHAI 25:5

Nisienlakhawm, Kaldai sipaihai chun lal chu an hnawt a, Jeriko phaiah an hnawt phâk a; a sipaihai po po chun an tlândarsan ta vawng a.

JEREMIA 13:19

Sim ram khawpuihai chu khârin an um ta a, a hawng ding tukhawm an um nawh; Juda chu a rêngin sala ṭhuoiin a um a: a rêng a ramin sala ṭhuoiin a um a nih,” tiin.

JEREMIA 16:16

Lalpa chun hieng hin a tih: Ngai ta u, nga man mi tamtak ko suok ka ta, anni chu nga manin man an ta; chu hnunga chun ramsuoktuhai tamtak ko suok ka ta, tlâng tinhaia le, muol tinhaia le, lungpui kuo kârhaia chun anni chu pêl an tih.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 39:9

Chun, Nebuzaradan, vêngtu pâwl hotu chun khawpuia mi la um sunhai le, tlân hmangtuhai le, ama kuoma hung lûthai le, mipui a la mahla la um sunhai po chu Babulon tieng chun salah a ṭhuoi ta a.

JEREMIA 52:15

Chuongchun, vêngtu pâwl hotu Nebuzaradan chun, mi rimsihai pâwl le, khawpuia a mahlaa mâksana la um pâwlhai le, hung inrelruhai, Babulon lal kuoma hung tlân lûthai le, mipui la um sunhai hrim hrim chu sal dingin a ṭhuoi tâwl a.

JEREMIA 52:8

Nisienlakhawm, Kaldai sipaihai chun lal chu an hnawt ta a, Jeriko phairuoma chun Zedekia chu an va hnawt phâk ta a; chuongchun, a sipaihai po po chun ama chu an indar san ta a.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet ta a; A lal le hotuhai chu dân um nawnaa hnamhai laia chun an um a; Anih, a zâwlneihai khawma Lalpaa inthawka thilhmulâwk an hmu ta nawh.

ṬAP HLA 4:15

“Fe hmang ro, thieng nawhai,” tiin mihaiin an khêk khum a, “Tir hmang ro, Tir hmang ro, Tâwk naw ro”, tiin. Tlânsie le invai an hung ni ta a, Hnamhai lai chun mihaiin, Eini lai um ta naw raw hai se, an ti a.

ṬAP HLA 5:5

A mi hnawttuhai chun kan rîngah an mi man a; Kan sâwl hle a, châwl kan hmu nawh.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.