RUTH 4:5 - Pathien Lekhabu Inthieng (BSI)

⁵ Boaz chun, “Naomi kuta inthawka ram chu în châwk ni chun mithi nuhmei Moab mi Ruth în châwk sa ding a nih, amaa inthawka mithi hming chu dei loa a ro hluo ding an um theina dingin,” a ti a.

RUTH 4:5 Iomraidhean Croise

INṬANNA 38:8

Chun, Juda chun Onan kuomah, “I u nuhmei chu pâwl la, pasalhai unau thaw ding chu thawpêk la, i u ta ding chun chi thlapêk rawh,” a ti a.

MATTHAI 22:24

a kuomah, “Inchûktirtu, Mosiein, ‘Mi nau nei loa a thi chun, a unaupain a nuhmei chu neiin, a unaupa ta dingin chi a thlapêk ding a nih,’ a ta.

LUKA 20:28

“Inchûktirtu, Mosiein, tûkhawm a unaupain nuhmei nei sienla, nau nei lovin thi sienla, a unaupa chun a nuhmei chu hluoin, a unaupa ta dingin chi a thlapêk ding a nih ti a mi ziekpêk a nih.

DÂN PAHNINA 25:7

Ama chun a unaupa nuhmei chu nei a nuom naw chun, a unaupa nuhmei chu kul kawtkhârah upahai kuomah hang fêng a ta, ‘Ka pasal unaupa chun Israelhai lai a unau hming chu inumtir pei a nuom naw a, pasal unaupa thaw ding chu ka chungah a thaw nuom nawh,’ a hang ti ding a nih.