RUTH 4:4 - Pathien Lekhabu Inthieng (BSI)

⁴ Chuleiin, hi thu hi hril cheha i kuomah, ‘Hitaka ṭhunghai mithmua le ka mihai upahai mithmua hin inchaw rawh. În tlan nuom chun intlan la, în tlan naw ding chun mi hril rawh, ka hriet theina dingin, nang naw chu a hang intlan ding âwm tu dang khawm an um si naw a; chun, nanga dawta chun kei ka nih,’ tia inhriettir che ṭûlin ka hriet a,” a ti a. Ama chun, “Intlan ka tih,” a ti a.

RUTH 4:4 Iomraidhean Croise

INṬANNA 23:11

“Ni lo e, pu, mi lo ngai ta, lo chu ka pêk che a, a sûnga pûk um khawm chu ka pêk bawk che; ka chipuihai nauhai mithmua hin ka pêk che a nih, i mithi chu phûm el rawh,” tiin.

INṬANNA 23:18

Hit mihai mithmua le a khaw kul kawtkhâra lût taphawthai mithmua chun nei sawng dingin Abraham kuomah pêkin a um ta a.

JEREMIA 32:25

Ka kuoma chun Aw Lalpa Pathien, “Lo chu tangkain inchaw la, hrepuituhai ko la, ” i ta, nisienlakhawm, khawpui chu Kaldaihai kuta pêk a ni ta si a,’ ” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:17

Tu suol khawm suolin thung naw ro, mi po po ngaia thil mawi chu ngaituo lâwk ro.

2 KORINTH 8:21

Lalpa ngai chau ni lovin, mihriem ngai khawma thil mawi kan ngaituo bawk hlak a nih.

DÂN PAHNINA 25:8

Chuongchun, an khuo upahai chun ama chu ko an ta, bieng an ta, chun ama chun, ‘Ka nei nuom naw a nih,’ tia a ṭhang tlat chun, a unaupa nuhmei chun upahai hmaa chun hang pan a ta,

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

RUTH 2:20

Ama chun tu kuom am sin a va thaw ti a tarpinu chu a hril a, “Vawisûna sin ka va thawnapa hming chu Boaz a nih,” tiin. Chun, Naomiin a monu kuoma chun, “Lalpa, a lunginsietnaa mi dam le mithi thlathlam ngainawtu chun, ama chu malsâwm raw se,” a ti a. Naomi bawk chun a kuomah, “Ama chu ei inhnaipui, ei laibung bul a nih,” a ti a.

RUTH 3:12

Chun, tuhin, laibung bul chu ka ni ngei el; amiruokchu, keia nêka hnai lem a um a.

RUTH 3:9

Chun, ama chun, “Tu am i ni a?” a ti a. Ama chun, “I siehlawnu Ruth ka nih, i siehlawnu hi i puon mi hung kêuzawm rawh; ka laibung bul i ni si a,” a ti a.