RUTH 3:9 - Pathien Lekhabu Inthieng (BSI)

⁹ Chun, ama chun, “Tu am i ni a?” a ti a. Ama chun, “I siehlawnu Ruth ka nih, i siehlawnu hi i puon mi hung kêuzawm rawh; ka laibung bul i ni si a,” a ti a.

RUTH 3:9 Iomraidhean Croise

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

RUTH 2:20

Ama chun tu kuom am sin a va thaw ti a tarpinu chu a hril a, “Vawisûna sin ka va thawnapa hming chu Boaz a nih,” tiin. Chun, Naomiin a monu kuoma chun, “Lalpa, a lunginsietnaa mi dam le mithi thlathlam ngainawtu chun, ama chu malsâwm raw se,” a ti a. Naomi bawk chun a kuomah, “Ama chu ei inhnaipui, ei laibung bul a nih,” a ti a.

RUTH 3:10

Ama chun, ka naunu Lalpain malsâwm raw se che; tlangvâl pasie amanih hausa i zui nawa hin a hmasaa nêk hmanin hi hnunga mia hin ṭhatna i suklang nasa ta lem a nih.

RUTH 3:12

Chun, tuhin, laibung bul chu ka ni ngei el; amiruokchu, keia nêka hnai lem a um a.

RUTH 3:8

Zânrilah chupa chu inlâurakin a ṭhanghar a, a hei inlet a; a ke thluona nuhmei lo zâl ve zing chu a hmu a.

RUTH 4:4

Chuleiin, hi thu hi hril cheha i kuomah, ‘Hitaka ṭhunghai mithmua le ka mihai upahai mithmua hin inchaw rawh. În tlan nuom chun intlan la, în tlan naw ding chun mi hril rawh, ka hriet theina dingin, nang naw chu a hang intlan ding âwm tu dang khawm an um si naw a; chun, nanga dawta chun kei ka nih,’ tia inhriettir che ṭûlin ka hriet a,” a ti a. Ama chun, “Intlan ka tih,” a ti a.

RUTH 4:6

An laibung bul chun, “Keia ta ding chun kân tlan thei nawh, keima rohluona ding tieng sukbuoi rawi ka tih, intlan theitu ka nina ai chu nangin chang el rawh, kei chun chu kân tlan thei naw a ni hi,” a ti a.

1 SAMUEL 25:41

Chun, a tho a, a hmaia hnuoi sikin chibai a bûk a; “Ngai ta u, in siehlawnu hi ka lalpa siehlawhai ke sâwp dinga siehlaw ka nih,” a ta.