RUTH 3:12 - Pathien Lekhabu Inthieng (BSI)

¹² Chun, tuhin, laibung bul chu ka ni ngei el; amiruokchu, keia nêka hnai lem a um a.

RUTH 3:12 Iomraidhean Croise

MATTHAI 7:12

“Chuongchun, thil tinrêng mîn in chunga an thaw dinga in dit ding ang peiin, mi chunga khawm thaw ve ro; chu chu Dân le zâwlneihai thu a ni hrim a nih.

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin keini khawmin kan hril lâwkin kan inhriettir ta cheu ang khan.

RUTH 2:20

Ama chun tu kuom am sin a va thaw ti a tarpinu chu a hril a, “Vawisûna sin ka va thawnapa hming chu Boaz a nih,” tiin. Chun, Naomiin a monu kuoma chun, “Lalpa, a lunginsietnaa mi dam le mithi thlathlam ngainawtu chun, ama chu malsâwm raw se,” a ti a. Naomi bawk chun a kuomah, “Ama chu ei inhnaipui, ei laibung bul a nih,” a ti a.

RUTH 3:11

Tuhin, “ka naunu, ṭi naw rawh; i hni taphawt thawpêk pei ka ti che; ka khaw mi chanpui po poin nuhmei feltak i nih ti an hriet seng si a.

RUTH 3:13

Vawizân chu um phawt el la, zingkâr ama chun i ta dinga laibung chan chu a thaw nuom chun ṭhang a ta, thaw raw se; amiruokchu, laibung chan chu a thawpêk nuom naw che chun, Lalpa hringna sâlin, laibung chan chu thawpêk ngei ka ti che, zingkâr chenin zâl zing el rawh,” a ti a.

RUTH 4:1

Chuongchun, Boaz chu kul kawtkhâra chun a hang fe a, chutaka chun a ṭhung a. An laibung bul Boazin a hril kha a hung chun, “Ruola, taka hin la hung la, hung ṭhung ta,” a ti a. Ama chu a va fe a, ân ṭhung a.

RUTH 4:4

Chuleiin, hi thu hi hril cheha i kuomah, ‘Hitaka ṭhunghai mithmua le ka mihai upahai mithmua hin inchaw rawh. În tlan nuom chun intlan la, în tlan naw ding chun mi hril rawh, ka hriet theina dingin, nang naw chu a hang intlan ding âwm tu dang khawm an um si naw a; chun, nanga dawta chun kei ka nih,’ tia inhriettir che ṭûlin ka hriet a,” a ti a. Ama chun, “Intlan ka tih,” a ti a.