RUTH 2:8 - Pathien Lekhabu Inthieng (BSI)

⁸ Chun, Boaz chun Ruth kuomah, “Ka naunu, lo ngai ta, lo danga chu buhnung zawngin fe naw la, hitaka inthawk hi fe sawn naw rawh, ka siehlaw nunghâkhai kuoma hin um zing rawh.

RUTH 2:8 Iomraidhean Croise

2 LALHAI 5:13

Chun, a siehlawhai chu an hung hnai a, a kuomah, “Pa, zâwlnei chun thil khirkhântak thaw dingin tir sienla che, i thaw naw ding am a nih? ‘Insil la, lo inthieng ta rawh,’ a ti kha ti âwmtak hrim a ni naw am a nih?” an ta.

LEVI DÂN 19:9

“In loa bu dâm in sîk pha in lohnâwm kil rawt chenin in sîk ding a ni naw a, lâk ṭhelhai chu pâwltlâk hnungin in lâk khâwm ding a ni bawk nawh.

MATTHAI 9:2

Chun, ngai ta, zeng pakhat khuma zâl pumin a kuomah an hung zâwn a. Isûn an ringzie a hmuin, zeng kuoma chun, “Ka nau, lungmuongtakin um rawh; i suolhai ngaidam a ni tah,” a ta.

MATTHAI 9:22

Chun, Isu a ngha a, ama chu a hmu a, “Ka naunu, lungmuongtakin um rawh, i ringna hi i dampui a nih,” a ta. Chuongchun, nuhmei chu chu dâr chena chun a hung dam ta a.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

RUTH 2:7

‘Mi lunginsiet la, in bu lâk ṭhel zawng ka tih, busîktuhaiin an buphalhai an inkhâwm zona hnung peiah zawng ka tih,’ a ti a; chuongchun, a hung a, ṭuah sâwt nawte a châwl ti naw chu, zîngkâra inthawkin a la zawng ta zing a nih,” tiin a dawn a.

RUTH 2:9

An busîk hi en zing la, an hnung hi zui pei rawh, tlangvâlhai chu iengkhawm law lo ding chein thu ka pêk diem tah; chun, i dang a châr po leh tuibêla tlangvâlhai tui chawisa va dâwn hlak la,” a ti a.

1 SAMUEL 3:16

Chun, Eli chun Samuel chu a ko a, “Samuel, ka naupa,” a ta. Ama chun, “Hitaka hin ka um,” a ta.

1 SAMUEL 3:6

Chun, Lalpa chun Samuel chu a ko nâwk a. Samuel chu a tho a, Eli kuoma chun a feh a, “Hitaka hi ka um, i mi ko a,” a ta. Ama chun a dawn a, “Ka ko naw che ie, ka naupa, va zâl nâwk ta rawh,” a ta.