RUTH 2:4 - Pathien Lekhabu Inthieng (BSI)

⁴ Chun, ngai ta, Bethlehema inthawkin Boaz chu a hung a, busîktuhai kuoma chun, “In kuomah Lalpa um raw se,” a ti a. Anni chun, “Lalpain malsâwm raw se che,” tiin an dawn a.

RUTH 2:4 Iomraidhean Croise

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

1 CHANCHIN SUINA 2:51

Beth-lehemhai thlatu Salma, Beth-gaderhai thlatu Hareph leh an nih.

INPÂKNA HLABU 118:26

Lalpa hminga hung chu a hamṭha ie, Lalpa ina inthawk hin mal kan sâwm cheu a ni hi.

INPÂKNA HLABU 134:3

Lalpa chun Ziona inthawkin malsâwm raw se cheu, Hnuoi le vân siemtu ngei chun.

JEREMIA 31:23

Sipaihai Lalpa, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, Lalpa chun mal sâwm raw se che,” ti dâm le, “Aw inthiengna tlâng,” ti dâm hi.

NAMBAR 6:24

Lalpain malsâwm cheuin,vêng pei raw se cheu;

LUKA 1:28

Chun, vântirko chu a kuomah a lût a, “Chibai, Vochuom, Lalpa i kuomah a um” a ta.

2 THESSALONIKA 3:16

Chun, inremna Lalpa ngei chun kumkhuoin kawng tinrêngah inremna pe raw se cheu.

1 TIMOTHE 6:2

Chun, ringtu pu neihai chun, unau an ni leiin ngainêp naw raw hai se; amiruokchu, ṭhathnemna hmutuhai chu ringtu le dittakhai an ni leiin an rawng bâwlpêk zuol lem raw hai se. Hieng thu hi inchûktir la, infui rawh.

2 TIMOTHE 4:22

Lalpa chu i thlarau kuomah um raw se. Lunginsietna in kuomah um raw se.

JOSUA 24:15

Chun, Lalpa rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu Lalpa rawng a nih kan bâwl ding chu,” a ta.

RORELTUHAI 6:12

Lalpa vântirko a kuomah a hung inlâr a, a kuomah, “Nang mi hrât huoisen, i kuomah Lalpa chu a um,” a ti a.

RORELTUHAI 6:16

Lalpa chun a kuomah, “I kuomah ka um pei ding annâwm; chuongchun, Midianhai chu mi pakhat ang elin hne vawng el i tih,” a ti a.

RUTH 2:3

Chuongchun, a fe ta a, busîktuhai lâk ṭhel chu a va zawng a: Elimelek pahnam, Boaz lo kherah a va fe fûk hlau el a.

RUTH 2:5

Chun, Boaz chun a siehlaw, busîktuhai chunga hotu kuoma chun, “Hi hi tu nunghâk am a ni leh?” a ti a.

RUTH 4:11

Chun, kul kawtkhâra mipui po po le upahai chun, “Hrepuituhai kan nih. I ina nuhmei hung lût chu, Israel sûngkuo indintu pahni Rakil le Leah ang khan Lalpa chun siem raw se; chun, Ephrathaa chun tluongtlungtakin um la, Bethlehema chun hminginthangtakin um rawh;

1 SAMUEL 17:37

Chun, David chun, “Sakeibaknei kutbâwra inthawk le, savawm kutbâwra inthawka mi sansuoktu Lalpa chun chu Philistin mi kuta inthawk chun mi sansuok a tih,” a ta. Chun, Saula chun David kuoma chun, “Fe raw le, i kuomah Lalpa um a tih” a ta.