RUTH 1:5 - Pathien Lekhabu Inthieng (BSI)

⁵ Chun, Mahlon le Kilion chu an thi ve ve a; chuongchun, Naomi chu a naupasalhai pahni le a pasal chun an thi san ta a.

RUTH 1:5 Iomraidhean Croise

ISAI 49:21

Chuongchun, nang chun i lungrilin, ‘Hienghai hi tu mîn entir am an ni leh? Ka nauhai kân hmang a, mâni khâta sala invâk invâk ka ni si a; chuongchun, hienghai hi tuin am a châwm puitling tâwl leh? Ngai ta, ka khât chaua mâksanin ka um si a, hienghai hi khaw taka inthawka hung um am an ni leh?’ tîng i tih,” tiin.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

LUKA 7:12

Chun, kul kawtkhâr kâwl a tlungin, ngai ta, mithi an hung zâwn dawk a, a nu naupa nei sun a na, ama hlak hmeithai a ni si a; an khuohai tamtak chu a kuomah an um a.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

RUTH 1:2

Chu mipa hming chu Elimelek a nih, a nuhmei hming chu Naomi, a naupasalhai pahni hming chu Mahlon le Kilion an nih; Juda ram, Bethlehema Ephrath mi an nih. Moab rama chun an fe a, chutaka chun an um ta zing a.

RUTH 1:4

Chuhai chun Moab nuhmeihai nuhmeiah an nei a, pakhat hming chu Orpah a ni a, pakhat dang hming chu Ruth a nih. Chutaka chun kum sâwm lai an um a.

RUTH 1:6

Chun, Moab rama inthawkin, Lalpain a mihai chu kanin fâk ding a pêkzie thu a lo hriet leiin, Naomi chu a mohai pahni leh Moab rama inthawk kîr nâwk dingin ân thawk suok a.