RORELTUHAI 9:57 - Pathien Lekhabu Inthieng (BSI)

⁵⁷ chun, Sekema mihai rîtlona po po khawm kha Pathienin a hung thung ve ta thung a: chun, Jerubbaal naupa Jotham ṭawngsie kha an chungah a hung tla ta a nih.

RORELTUHAI 9:57 Iomraidhean Croise

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

1 LALHAI 16:34

Ama ân lal lai chun Bethel mi Hielin Jeriko khuo a siem a, a naulutîr Abiram chu chânin a lungphûm chu a phûm a; chun, a nau mitlum Segub chu chânin a kul kawtkhârhai chu ân ngîr a, Lalpain Nun naupa Josua hmanga a lo hril ta ang khan.

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet lova a thaw a, kâwlhnâma a that leiin Lalpain a thisen chu ama lu chung ngeiah hung inlêttir a tih.

INPÂKNA HLABU 7:17

Lalpa chu a felna lei hin a kuomah lâwmthu hril ka ta, Lalpa Achunghnungtak hming inpâkin sak bawk ka tih.

INPÂKNA HLABU 94:23

Ama chun anni suolna ngei chu an chungah ân tlâktir a, Anni ṭhat nawna ngeia chun sukbohmang a ta; Lalpa ei Pathien chun sukbohmang a tih.

THUVARHAI 5:22

Mi khawhlo chu ama khawhlona ngei chun lâng a ta, A suolna hruihai chun ama khit tlat nîng a tih.

ISAI 3:11

Mi suol chung chu a rik de! An la se ding a nih; an kuta thilthaw thungna chu an kuoma pêk a la ni ding a ni si a.

JOSUA 6:26

Chuong lai chun Josua chun, “Hi Jeriko khuo hi hung indina hung bâwl taphawt chu Lalpa hmaa chun ṭawngsephurin um raw se, a nau lutîr chu chânin a lungphûm chu phûm a ta, a nau mitlum chânin a kul kawtkhârhai chu indin a tih,” tiin anni chu a vau a.

RORELTUHAI 1:7

Adoni-bezek chun, “Lal sâwmsari kutpui le kepui tan bawnga umhai chun ka dawkân hnuoia bumal an rût hlak a, ka thaw ang chiein Pathien chun a mi hung thung ve an ta hi,” a ti a. Chun, Jerusalemah an ṭhuoi a, chutaka chun a thi ta a.

RORELTUHAI 10:1

Abimelek hnunga chun Israelhai chu sansuok dingin Issakar mi Dod nau Pua naupa Tola a hung suok a, Ephraim tlâng ram Samir khuoah a um a.

RORELTUHAI 9:20

chuong ang chu a ni naw ruok chun, Abimeleka inthawk hin mei hung chawk suok sienla, Sekema mihai le Beth-miloa mihai chu kâng zo vawng sienla, Sekem le Beth-milo mihaia inthawk mei hung chawk suok sienla, Abimelek chu kâng zo vawng bawk raw se,” a ti a.

RORELTUHAI 9:24

Chu chu Jerubbaal naupasalhai sâwmsari chunga nunsetaka an thaw leia an chunga phuba lâkna a hung tlung theina ding le, anni thattu an unaupa Abimelek chunga le a unauhai that dinga a kut lo sukhrâttu Sekem mihai chunga an thisen a um theina dingin a nih.

RORELTUHAI 9:45

Abimelek chun khawpui chu chu ni chun sûnnithlâkin a thaw a, khawpui chu a lâk a, a sûnga mihai chu a that a, khawpui chu a suksiet vawng a, machiin a the ta a.

RORELTUHAI 9:56

Abimelek chun a unauhai sâwmsari a that a, a pa chunga a thaw dân kawnga a rîtlona kha Pathienin hieng ang hin ama a hung thung ve ta a nih: