RORELTUHAI 9:23 - Pathien Lekhabu Inthieng (BSI)

²³ Chun, Pathienin Abimelek le Sekema mihai kâra chun lungril suol ân umtir a, Sekema mihai chun Abimelek chunga chun vervêktakin an thaw ta a.

RORELTUHAI 9:23 Iomraidhean Croise

1 LALHAI 12:15

Chuongchun, lal chun, mipuihai thuhril kha a pawm ta naw a, chu chu Lalpa lei a nih, Lalpa chun Silo mi Ahija hmanga, Nebat naupa Jeroboam kuoma a thu lo hril ta kha a suknghet theina dingin.

2 CHANCHIN SUINA 10:15

Chuongchun, lal chun mipuihai thu chu a ngai naw a; Silon mi Ahija hmanga Nebat naupa Jeroboam kuoma a thu lo hril tah, a thu chu Lalpain ân tlungtir theina dingin, Pathienin a hung intlungtir a ni si a.

ISAI 19:14

Lalpa chun Aigupta mihai laia chun kâwmâwsietna thlarau ân umtir tah; chuongchun, zu inrui chu ama luoka a pêm a pêm ang hin Aigupta mihai chu an sinthaw tinrêngah an infe kâwitir ta a.

ISAI 19:2

Chun, Aigupta mihai chu Aigupta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

ISAI 33:1

Nang rawk tuok ngai si lova, rawktu, vervêktaka thaw tuok ngai si lova, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêktakin thâwng an tih.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

MARKA 3:24

Ram khawm ama le ama ân do chun, chu ram chu ngîr suok thei naw ni.

RORELTUHAI 9:20

chuong ang chu a ni naw ruok chun, Abimeleka inthawk hin mei hung chawk suok sienla, Sekema mihai le Beth-miloa mihai chu kâng zo vawng sienla, Sekem le Beth-milo mihaia inthawk mei hung chawk suok sienla, Abimelek chu kâng zo vawng bawk raw se,” a ti a.

RORELTUHAI 9:22

Chun, Abimelek chu Israelhai chunga chun kum thum ân lal a.