RORELTUHAI 9:20 - Pathien Lekhabu Inthieng (BSI)

²⁰ chuong ang chu a ni naw ruok chun, Abimeleka inthawk hin mei hung chawk suok sienla, Sekema mihai le Beth-miloa mihai chu kâng zo vawng sienla, Sekem le Beth-milo mihaia inthawk mei hung chawk suok sienla, Abimelek chu kâng zo vawng bawk raw se,” a ti a.

RORELTUHAI 9:20 Iomraidhean Croise

INPÂKNA HLABU 140:10

Meilinghai an chungah tla sienla, Meia peiin um hai sienla, An tho nâwk ta nawna dingin khur inthûktakah peiin um raw se.

INPÂKNA HLABU 28:4

An thilthaw ang pei le, an thilthawhai a suolzie ang peiin thung la, An kuta an sinthaw ang peiin thung la; An suol man chu inhmutir rawh.

RORELTUHAI 7:22

Chun, tawtawrâwt za thum chu an mût a, chun, Lalpa chun sipaihai po po chu anni le anni kâwlhnâmin ân dotir tâwl ta a; chuongchun, sipaihai chu Zerera tieng panga Betshittah chen, Tabbath kâwla Abel-meholah ramri chen an tlânsie a.

RORELTUHAI 9:15

Hling chun thinghai kuoma chun, ‘In lal dinga hriek mi nâl takzet in ni chun ka hlima hin hung inbi ta unla, in ni naw ruok chun hlinga inthawka mei hung suokin, Lebanon tlânga sidar thinghai chu kâng zo vawng raw se,’ a ti a.

RORELTUHAI 9:19

vawisûn hin Jerubbaal le a sûnghai chunga thaw takzet le feltaka thaw in ni chun chu, Abimelek chunga hin lâwm ro; chun, ama khawm in chungah lâwm raw se;

RORELTUHAI 9:21

Chun, Jotham chu a tlân hmang a, Beerah a tlân a, a unaupa Abimelek chu a ṭi leiin chutaka chun a um ta zing a.

RORELTUHAI 9:23

Chun, Pathienin Abimelek le Sekema mihai kâra chun lungril suol ân umtir a, Sekema mihai chun Abimelek chunga chun vervêktakin an thaw ta a.

RORELTUHAI 9:44

Abimelek le a pâwlhai chun an lo baw a, hmatieng an nawr peia khawpui lûtna kawtkhârah an va ngîr a, chun, pâwl hnihai chun phûla umhai po po chu an baw a, an that tâwl ta a.

RORELTUHAI 9:6

Chun, Sekema mi po po le Bethmiloa mi po po chu an pung khâwm a, Sekema lungphun bul thingsaisuo kâwla chun, Abimelek chu lalah an siem ta a.