RORELTUHAI 8:30 - Pathien Lekhabu Inthieng (BSI)

³⁰ Gideon chun ama nei ṭhieu naupasal sâwmsari a nei a, nuhmei tamtak nei a ni leiin.

RORELTUHAI 8:30 Iomraidhean Croise

INṬANNA 2:24

Chuleiin, pasalin a nu le pa mâksan a ta, a nuhmei chel a tih, chuongchun, tisa pumkhat hung ni tâng an tih.

INṬANNA 46:26

Jakob naupasalhai nuhmeihai tiem lovin Jakob le Aiguptaa lût ve, a ṭhalbea suok po pohai chu, an rêng chun sâwmruk paruk an nih;

INṬANNA 7:7

Chun, tui a hung lêt ding a ni lei chun Noa chu lawnga chun a lût a, a naupasalhai le a nuhmei le a nauhai nuhmeihai khawm an lût ve a.

1 LALHAI 11:3

Chuongchun, nuhmei za sari, lal naunu a nei a, thaikêm za thum leh; chun, a nuhmeihai chun a lungril an ṭhuoi kâwipêk ta a.

2 LALHAI 10:1

Ahab chun Samaria chun naupasal sâwmsari a nei a. Chun, Jehu chun Samaria Jezreel khaw hotu, upahai kuoma le Ahab nauhai lo enkawl tleituhai kuoma chun lekha a thawn a.

FESUOKNA 1:5

Jakob ṭhalbea inthawka suokhai po chu mi sâwmsari an nih; Josef ruok chu Aiguptaah a lo um ta hrim a.

MALAKI 2:15

Chun, hringna chi chu a nei leiin, ama chun pakhatah a siem a ni naw am a nih? Ieng leia pakhata siem am a na? Pathien chi chu a zawng a nih. Chuleiin, in thlaraua chun fîmkhur unla mi tukhawma a tleirâwl nuhmei chu khawhlotakin thaw naw raw se.

DÂN PAHNINA 17:17

Chuong naw chun a lungril invâkhmang rawi a tih. Nuhmei khawm a hau ding a ni naw a, tangka le rângkachak khawm a hau bawk ding a ni nawh.

RORELTUHAI 10:4

Ama chun naupasal sâwmthum, sabengtungte sâwmthum chunga chuong hlak mi a nei a, chun, Gilead rama chun khaw sâwmthum an nei a, chuong chu tu chen hin Havvoth-jair an tih.

RORELTUHAI 12:14

Ama chun naupasal sâwmli le tupa sâwmthum, sabengtungte sâwmsari chunga chuong hlak mi a nei a; ama chun Israelhai chungah kum riet ro a rêl.

RORELTUHAI 12:9

Ama chun naupasal sâwmthum a nei a, naunuhmei sâwmthum chu ama chipui ni lohai ân neitir a; chun, a naupasalhai ta ding chun ama chipui nilo mihaia inthawkin naunuhmei sâwmthum a ṭhuoipêk bawk a. Chun, Israelhai chungah kum sari ro a rêl.

RORELTUHAI 8:31

Sekema a thâikêmin naupasal a neipêk bawk a, a hmingah Abimelek a sak a.

RORELTUHAI 9:1

Chun, Jerubbaal naupa Abimelek chu Sekema a nu ṭahai kuomah a fe a, anni le a nu pa pahnamhai po po chu a biek a,

RORELTUHAI 9:18

vawisûn hin ka pa sûnghai chunga chun in lo hel a, a naupasalhai sâwmsari zet lung pakhat chungah in lo sukhlum a, in unaupa a ni leiin a suoknu naupa Abimelek hi Sekem khuo mihai lalah in hung siem ta si a;)

RORELTUHAI 9:2

“Sekema mihai po po na hrietah thu hril unla, ‘Jerubbaal naupasal mi sâwmsarihaiin in chunga ro an rêl am ṭha lem in tih, mi pakhatin in chunga ro a rêl?’ ti ro khai; chun kei khawm in ru le in taksa ka nih ti hi hre zing bawk unla,” a ti a.

RORELTUHAI 9:5

Chun, Ophra khuoa a pa ina chun a va fe a, Jerubbaal nauhai, a unauhai sâwmsari chu lung pakhat chungah a that tâwl a; Jerubbaal naupa a naupang tak Jotham ruok chu a lo inbi hlau leiin a that naw a.