RORELTUHAI 8:3 - Pathien Lekhabu Inthieng (BSI)

³ Pathien chun Midian lalhai, Oreb le Zeeb chu in kutah a hung pêk ta cheu a, nangni nêkin kei hin ieng am ka thaw thei chuong leh?” a ti a. Chuongchun, chu thu a hang hril chun a chunga an lunginsen chu a re ta a.

RORELTUHAI 8:3 Iomraidhean Croise

INPÂKNA HLABU 115:1

Aw Lalpa, keini mi pe lovin, keini mi pe lovin, I hming chu ropuina pe lem rawh, I ngilneina le i thutak leiin.

INPÂKNA HLABU 44:3

Ram chu hluo dinga anni kâwlhnâma an lâk a ni naw a, Anni bâna insandam an ni bawk nawh; An chunga i lâwm leiin, I kut changtieng le, i bân le i hmêl varin a ni lem.

THUVARHAI 15:1

Dawnna innêm chun lunginsenna a hnawt hmang a, Ṭawng theidaum ruok chun lunginsenna a chawktho.

THUVARHAI 16:32

Mi lunginsen intaktak chu mi thilthawtheitak nêkin a ṭha lem a, A lungril thunun theitu chu khawpui latu nêkin a ṭha lem.

THUVARHAI 25:11

A huntaka thu hril chu Tangkaraw leikhawrhaia rângkachak apple theirahai ang chu a nih.

THUVARHAI 25:15

Tuor sâwt peina chun rorêltu chu thlêmthlûk a na, Chun, lei innêm chun ru chu a sukthliek.

JOHAN 4:37

‘Pakhatin a tu a, mi dangin a sîk hlak,’ ti thu hi, chutaka chun ân dik hle a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu lovin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:6

Lunginsietna ei kuoma pêk ang sengin thilthlâwnpêk hi a tum tum ei nei seng a, thu hril ding a ni chun, ei ringna phutâwk peiin hril ei tiu;

PHILIPPI 2:3

Esêlna le inngaihlut leia iengkhawm thaw lovin, mi tinin inngaitlâwmtakin mâni nêkin mi dang ṭha lemah ngai seng raw hai se.

RORELTUHAI 8:2

Ama chun an kuomah, “Nangni nêkin tuhin ieng am ka thaw bîk leh? Abiezer mihai grêp lo nêk chun Ephraim mihai grêp hmu ṭhel zawng hi a nasa lem ni lo am a nih?

RORELTUHAI 8:4

Chun, Gideon le a kuoma mi za thum umhai chun Jordan vadung chu an zu tlung a, an kai a, châu sa sain an hnawt pei a.