RORELTUHAI 8:10 - Pathien Lekhabu Inthieng (BSI)

¹⁰ Tuhin Zeba le Zalmunna chu an sipaihai, khawsak nauhai sipaihai thi mahlahai po po, sîng khat le sâng nga lai leh Karkorah an um a, kâwlhnâm chawi mi ṭhieu nuoi khat le sîng hni an thi si a.

RORELTUHAI 8:10 Iomraidhean Croise

2 LALHAI 3:26

Chun, Moab lal chun ama ta dingin indona chu a nasa taluo ti a hriet phingleh Edom lal umna hmun chen chu va nawr tlang dingin kâwlhnâm chawi mi za sari a ṭhuoi a, nisienlakhawm, an thei naw a.

2 CHANCHIN SUINA 13:17

Abija le a mihai chun nasatakin anni chu an that ta a, chuongchun, thlang ṭhieu Israel mi nuoi nga chu thatin an tlu ta a.

2 CHANCHIN SUINA 28:6

Remalia naupa Peka chun Judai ramah, mi hrât khawkhêng ṭhieu nuoi khat le sîng hni ni khat sûngin a that a; an thlatuhai Pathien Lalpa chu an nghatsan leiin.

2 CHANCHIN SUINA 28:8

Chun, Israel mipuihai chun an unauhai chu sal nuoi hni, nuhmei le naunuhmeihai le naupasalhai leh an ṭhuoi hmang a; chun, râllâk sum tamtak an lâk bawk a; chu râllâk sum chu Samariaa chun an hung lâk a.

ISAI 37:36

Chuongchun, Lalpa vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni ta a.

ISAI 9:4

A rikphurna rîngkawl le a liengkoa zâwnfung, a nêksâwrtu hembâwk chu, Midianhai hne ni ang khan i suktliekpêk ta si a.

RORELTUHAI 20:15

Chun, chu nia Benjamin mihai khawpuia inthawka kâwlhnâm chawia suokhai chu, Gibeaa mi za sari thlang ṭhieu tiemsa lovin, mi sîng hni le sâng ruk an nih.

RORELTUHAI 20:17

Chun, Israel thlahai chu Benja-min mihai tiem lovin, kâwlhnâm chawi mi ṭhieu nuoi li an nih, chuonghai po po chu indo mi vawng an nih.

RORELTUHAI 20:2

Chun, mi po po hotuhai, Israel chihai po po chen khawm chun Pathien mihai inkhâwmnaa chun an va ṭhang ve a, sipai kâwlhnâm chawi mi, nuoi li an nih.

RORELTUHAI 20:25

Benjamin mihai khawm chu a ni hni ni chun thaw dingin Gibeaa inthawk chu an suok ve a, Israel thlahai lai chun sîng khat le sâng riet an hung that nâwk a, chuonghai po po chu kâwlhnâm chawi mi an nih.

RORELTUHAI 20:35

Lalpain Benjamin mihai chu Israelhai hmaa chun a sukhlum ṭeu a; Israel thlahai chun chu ni chun Benjamin mi sîng hni le sâng nga le za khat an that a, chuonghai po po chu kâwlhnâm chawi mi vawng an nih.

RORELTUHAI 20:46

Chuongchun, chu nia Benjamin mi thihai po chu kâwlhnâm chawi mi ṭhieu sîng hni le sâng nga an nih, an rêng chun mi hrât huoisen an nih.

RORELTUHAI 6:5

An ranruolhai le an puon inhai leh an hung inthawk a, khâu ang elin tamtakin an hung inthawk hlak si a; anni le an sanghâwngseihai chu tiem sêng khawm an ni nawh; an hunga ram chu an suksiet hlak a nih.

RORELTUHAI 7:12

Chun, Midianhai le Amalekhai le khawsak nauhai po po ruoma chun khâu ang elin tamtak an lo um hmur el a; an sanghâwngseihai chu tiem sêng ruollo, an tam tieng chu tuipui kama phaiphin zât zet an nih.

RORELTUHAI 7:13

Chun, Gideon a zu tlung chun mi pakhat hin a ruolpa kuomah a mang a lo hril a, “Ngai ta, mang ka lo nei a, buṭei bei tlang hi Midianhai kula hin a hung inhlum a, puon ina hin a lo inhlum lût a, a hung sukchim a, a suklet tawp a, puon in chu ân hmât vawng el ta a,” a ti a.

RORELTUHAI 7:22

Chun, tawtawrâwt za thum chu an mût a, chun, Lalpa chun sipaihai po po chu anni le anni kâwlhnâmin ân dotir tâwl ta a; chuongchun, sipaihai chu Zerera tieng panga Betshittah chen, Tabbath kâwla Abel-meholah ramri chen an tlânsie a.

RORELTUHAI 8:11

Chun, Gideon chu Noba le Jogbeha saktienga puon ina umhai lampuia chun a hang fe a, sipaihai chu a hang thaw a, sipaihai chu lungmuongtakin an lo um si a.