RORELTUHAI 7:4 - Pathien Lekhabu Inthieng (BSI)

⁴ Chun, Lalpain Gideon kuomah, “Mihai kha an la tam taluo rawp el, vadungah ṭhuoi thla la, chutaka chun keiin ṭhepêk ka ti che; hieng ang hin nîng a tih: ‘Hi hi chu i kuomah fe ve raw se,’ ka iti taphawt chu i kuomah fe vêng a ta; chun, ‘Hi hi chu i kuomah fe ve naw raw se,’ ka ti taphawt chu i kuomah fe ve naw raw se,” a ti a.

RORELTUHAI 7:4 Iomraidhean Croise

INṬANNA 22:1

Chuong thil hnunga chun Pathienin Abraham chu a fie a, a kuomah, “Abraham” a ta. Ama chun, “Hitaka hi ka um” a ta.

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

INPÂKNA HLABU 33:16

Lal hrim hrim hi sipaihai tam lei ngawta sandama um an um ngai nawh: Mi hrât hi hrât bêk bêk lei ngawta sanhim an ni ngai nawh.

INPÂKNA HLABU 66:10

Aw Pathien, nangin i mi fie a, Tangkaruo fiea a um angin, keini i mi fie a.

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak si a.

RORELTUHAI 7:5

Chuongchun, mipui chu vadunga chun a ṭhuoi thlâk a; chun, Lalpa chun Gideon kuomah, “Ui anga tui a leia lieka liek taphawt chu a tumin sie pei la, chuong ang bawkin kûna dingṭhaṭhuona tui dît taphawthai khawm,” a ti a.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.