RORELTUHAI 7:24 - Pathien Lekhabu Inthieng (BSI)

²⁴ Chun, Gideon chun Ephraim tlâng ram po poa chun, “Midianhai hi hung thaw ro, Beth-bara chenin vadunghai chu lo lâk khal unla, Jordan vadung leh,” tiin mihai ân tlân vêltir a. Chuongchun, Ephraim mihai po po chu an pung khâwm a, Beth-bara chenin vadunghai chu Jordan vadung leh an lo lâk khal vawng a.

RORELTUHAI 7:24 Iomraidhean Croise

HABAKKUK 3:7

Kushan puon inhai chu sukrimsika a um lai ka hmu a; Midian ram puonzârhai chu ân thin a.

JOHAN 1:28

Chuong thil chu Jordan râla Bethania Johanin a baptisnaa kha thaw an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:30

Unauhai, tuhin, in mi ṭawngṭai pêknaa chun ṭhahnemngaitaka mi ṭawngṭai pêk dingin Lalpa Isu Krista le Thlarau Inthieng hmangainain ka ngên cheu a nih:

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

RORELTUHAI 12:5

Chun, Gilead mihai chun Ephraim mihai depa Jordan vadung kaihai chu an lo man a, chun Ephraim mi tlân hmanghai tu el khawmin, “Hung kai ka tih,” a ti pha chun, Gilead mihai chun a kuomah, “Ephraim mi i ni am?” an lo ti pei a.

RORELTUHAI 8:3

Pathien chun Midian lalhai, Oreb le Zeeb chu in kutah a hung pêk ta cheu a, nangni nêkin kei hin ieng am ka thaw thei chuong leh?” a ti a. Chuongchun, chu thu a hang hril chun a chunga an lunginsen chu a re ta a.