RORELTUHAI 7:21 - Pathien Lekhabu Inthieng (BSI)

²¹ Kul vêla chun mi tin mâni umhmun senga chun an ngîr a. Chuongchun, sipaihai po po chu an tlân ta a, chun, an khêk rak rak a, an intlânsiettir ta a.

RORELTUHAI 7:21 Iomraidhean Croise

1 LALHAI 20:20

Chun, an va bitum senghai chu an va that a, chuongchun, Suria mihai chu an tlânse ta a, Israelhai chun an hnawt a, chun, Suria lal Benhadad chu sakawr chunga chuongin sakawr chung chuong mihai leh an tlânsuok ta a.

2 CHANCHIN SUINA 20:15

ama chun a hril a, “Nangni Juda mi po pohai, Jerusalem hluotu po pohai le nang lal Jehosaphat, lo ngai ta u, Lalpa chun hieng ang hin in kuomah a ti a nih, ‘Hi mipui tamtak lei hin beidawng naw unla, ṭit khawm ṭi bawk naw ro; indona chu in ta a ni naw a, Pathien ta a ni lem si a.

2 CHANCHIN SUINA 20:17

Hi indonaa hin in do ngai kher naw nih, intlar phawt unla, ngîr ṭawk ṭawk ro; Lalpa sandamna chu en zing el ro; aw Juda mihai le Jerusalem mihai, ṭi naw unla, beidawng bawk naw ro; zingah anni chu hang thaw unla, Lalpa chu in kuomah a um si a,’ ” tiin.

FESUOKNA 14:25

An sakawr tawlailîr kekuolhai chu a sukthlawngpêk a, intaktakin an khal ta a; chuongchun, Aigupta mihai chun, “Israelhai hmaa inthawkin tlân el ei tiu, Lalpa chun an ta dingin Aigupta mihai chu a dopêk a ni hi,” an ti a.

THUVARHAI 28:1

Mi suol chu tukhawm ihnawt naw khawmin a tlânsie a, Mi felhai ruok chu sakeibaknei angin an huoi.

ISAI 30:15

Lalpa PATHIEN, Israelhai Mi Inthieng chun hieng ang hin a hril ta si a, “Kîr nâwka châwla umin sandamin um in ta; muongtaka umnaa le ringtaka umnaa hin in hrâtna um a tih,” tiin, nisienlakhawm, in nuom si nawh.

ISAI 30:7

Aigupta chun ṭhahnem lotak le, ṭhangkai lotakin a ṭhangpui hlak si a; chuleiin a nih, ama chu, “Rahab ṭhung ṭawk ṭawknu” kân bûk chu.

HEBRAIHAI 11:34

Hrât nawnaa inthawka hrâttaka siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

RORELTUHAI 7:20

Chun, a pâwl thum chun tawtawrâwt chu an mût a, bêlhai chu an sukhâwp a, an vawitieng chun meiser an chawi a, an changtiengin tawtawrâwt mût ding chu an chawi a; chun, “Lalpa le Gideon kâwl-hnâm,” tiin an khêk ta dur dur a.