RORELTUHAI 7:2 - Pathien Lekhabu Inthieng (BSI)

² Chun, Lalpain Gideon kuomah, “I kuoma mipui umhai kha Midianhai an kuta ka pêkna ding chun an tam taluo a nih; chuong naw chun chu Israelhaiin, ‘Keini kut ngeia insansuok kan nih annâwm’ tiin mi uongkhum rawi an tih.

RORELTUHAI 7:2 Iomraidhean Croise

INṬANNA 46:2

Chun, Pathienin zâna a manghaia chun Israel chu a biek a, “Jakob, Jakob,” a ti a. Ama chun, “Hitaka hi ka um,” a ti a.

2 CHANCHIN SUINA 14:11

Asa chu a Pathien Lalpa kuoma chun a khêk a, “Lalpa chau naw chu, hrâtna nei lo mihai ta dinga, mi thilthawtheia inthawka ṭhangpui ding mi dang tukhawm an um naw a; Aw Lalpa kan Pathien, mi ṭhangpui la; nangmaah kan innghat si a, hi mipui hi i hming leiin kan hung do a ni hi. Aw Lalpa nang chu kan Pathien i na, nangma chu tukhawma hne naw raw se che,” tiin.

ISAI 10:13

Ama chun, “Ka kut hrâtnain ka thaw tah a nih, ka varna le hin; ka bengvâr si a: chi tin ramrihai hlak chu ka sawn a; an rohai hlak ka lâkpêk a, lalṭhungphaa ṭhunghai hlak chu mi huoitak thaw angin ka hnûk thlâk ta a;

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 2:17

Mihriem inditnahai chu sukhnuoiin um a ta, mihai chapona chu suktlâwmin um bawk a tih; chu nia chun Lalpa chau chu chawisângin um a tih.

JEREMIA 9:23

Lalpa chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

EZEKIEL 28:17

I mâwina leiin i lungril a lo insâng ta a, I tlêtna lei chun i varna chu i lo suksiet ta a, Hnuoiah ka pei thlawr che a, An hmu theina ding chein lalhai hmaa chun kân zâltir che a nih.

EZEKIEL 28:2

“Mihriem naupa, Tura lal kuoma chun hril la, Lalpa Pathien chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuipuihai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni lovin;

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

HABAKKUK 1:16

Chuongchun, a lên kuoma chun ân thâwi a, A keihrui kuoma chun riminhnik a raw a, Anni zâra a chan chu a hung thâu a, A bu chu a hung tam leiin.

ZEKARIA 12:7

Lalpa chun a hmasatakin Juda puon inhai khawm chu sanhim a ta, David sûngkaw ropuina le Jerusalem hluotuhai ropuina chu Juda chungtienga chawimawia a um nawna dingin.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

NAMBAR 31:4

Israel hnam po pohai laia hnam tina mi sâng khat pei indonaah in fe ding a nih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:18

a kâu danghai lai chun insuong naw rawh. Insuong la khawm, nang a zung châwmtu i ni naw a, a zung chu nang a châwmtu che a ni lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:27

Insuongna chu khâwlai am a um leh? A puo tienga khâr nelin a um tah. Ieng dânin am a na? Thilthaw dânin am a nih? Ni lo e, Ringna dânin a ni lem.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni lovin, Pathien ta a ni thei lemna dingin, chu ro chu pil bêlahai kan kawl a nih.

EPHESI 2:9

Thilthaw lei a ni nawh; chuong naw chun, miin suong rawi an tih.

DÂN PAHNINA 32:27

An hmêlmahai chu ngaisuolin, ‘Kan kut chu dawm sângin a um tah, Hieng po po hi Lalpa ithaw a ni tawp nawh,’ hmêlma lunginsen chun tîng an tih ti ṭi naw lang chu.

DÂN PAHNINA 8:17

Chun, ‘hieng ei sum le paihai hi eini hrâtna le ei kutsuok a nih,’ ti lungril rawi in tih, fîmkhur bawk ro.

DÂN PAHNINA 8:18

Tuta a nghet anga in pi le puhai kuoma inkhâmna thu a thlung chu a suknghetna dingin Lalpa in Pathien chu hre zing ro, sum le pai themsuok theina petu cheu chu ama chu a ni lem a nih.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.