RORELTUHAI 7:19 - Pathien Lekhabu Inthieng (BSI)

¹⁹ Chuongchun, Gideon le a kuoma um mi za hai chu zân vêng lailung râlvêng an inthleng hlim lai takin kul tawntir chu an zu tlung a; chun, tawtawrâwt chu an hang mût a, an pil bêl chawihai chu an sukhâwp vawng a.

RORELTUHAI 7:19 Iomraidhean Croise

INPÂKNA HLABU 2:9

Anni chu thîr hmawlin sukkawi i ta, Bêlhemtu bêl angin anni chu pei nâwi i tih,” a ti a.

INPÂKNA HLABU 90:4

Nanga ngai chun kum sâng khat hi, Zâni bo ta ang chau kha a na, Zân vêng khat sûng ang chau bawk a nih.

FESUOKNA 14:24

Zîngtieng vêng hunah Lalpa chun Aigupta sipai ruol chu mei ngîr le sûma chun a zuk en a, Aigupta sipai ruol chu a sukbuoi ta a.

MATTHAI 25:6

Chun, zân rila chun, ‘Ngai ta u, mo neitu chu a hung ie! a tuok dingin hung suok ro khai,’ tiin khêkri a hung um ta a.

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

THUPUONGSUO 16:15

(Ngai ta, inru angin ka hung ding a nih; inringa a puon dierkei zing chu a hamṭha, chuong naw chun, saruokin lêng a ta, a zamaw hmu rawi an tih).

RORELTUHAI 7:16

Chu mi za thum hai chu pâwl thumin a siem a, an rêng chun tawtawrâwt le pil bêl ruok, a sûnga meiser sie sa a pêk seng a.

RORELTUHAI 7:18

Kei le ka kuoma umhai po po hin tawtawrâwt kan hang mût phingleh kul vêla um po pohai khawmin tawtawrâwt chu mût seng bawk in ta, ‘Lalpa le Gideon ta dingin,’ ti seng ro,” a ti a.

RORELTUHAI 7:20

Chun, a pâwl thum chun tawtawrâwt chu an mût a, bêlhai chu an sukhâwp a, an vawitieng chun meiser an chawi a, an changtiengin tawtawrâwt mût ding chu an chawi a; chun, “Lalpa le Gideon kâwl-hnâm,” tiin an khêk ta dur dur a.