RORELTUHAI 7:12 - Pathien Lekhabu Inthieng (BSI)

¹² Chun, Midianhai le Amalekhai le khawsak nauhai po po ruoma chun khâu ang elin tamtak an lo um hmur el a; an sanghâwngseihai chu tiem sêng ruollo, an tam tieng chu tuipui kama phaiphin zât zet an nih.

RORELTUHAI 7:12 Iomraidhean Croise

1 LALHAI 20:27

Chun, Israel mihai chu an pungkhâwm a, fâk dinghai an thak khâwm zet zet a, do dingin an inthawk ta a; chun, Israel mipuihai chun kêlte tlâwmte pawl hnia ṭhe ang chau tê hin an va ep ve a; Suria mihai ruok chu a ram sip hin an sip mup el a.

1 LALHAI 4:30

Solomon varna chun khawsak nauhai po po varna le Aigupta mihai varna po po chu a khûm vawng a.

INPÂKNA HLABU 3:1

Lalpa, a mi dotuhai hi an va pung ta de! A mi hung thawtuhai hi tamtak an nih;

INPÂKNA HLABU 33:16

Lal hrim hrim hi sipaihai tam lei ngawta sandama um an um ngai nawh: Mi hrât hi hrât bêk bêk lei ngawta sanhim an ni ngai nawh.

JEREMIA 46:23

Zawng suok thei ni naw sien khawm, a rampui hnuoihai chu phûr thlûng an tih, Lalpa chun a tih; khâuhai nêkin an tam lem a, tiem thei an ni si naw a.

JOSUA 11:4

An sipai ruolhai leh mi tamtak, an tam tieng chu tuipui kama phaiphin zât zet, sakawr le tawlailîr tamtak leh an inthawk ta a.

RORELTUHAI 6:3

Chun, Israelhaiin thil an hang chîng hin Midianhai, Amalekhai le khawsak nauhai chu an hang fe a, an hang do a,

RORELTUHAI 6:33

Chun, Midianhai po po le, Amalekhai le khawsak nauhai chu an pung khâwm ta a, Jordan vadung an kai a, Jezreel ruomah an inkul a.

RORELTUHAI 6:5

An ranruolhai le an puon inhai leh an hung inthawk a, khâu ang elin tamtakin an hung inthawk hlak si a; anni le an sanghâwngseihai chu tiem sêng khawm an ni nawh; an hunga ram chu an suksiet hlak a nih.

RORELTUHAI 7:13

Chun, Gideon a zu tlung chun mi pakhat hin a ruolpa kuomah a mang a lo hril a, “Ngai ta, mang ka lo nei a, buṭei bei tlang hi Midianhai kula hin a hung inhlum a, puon ina hin a lo inhlum lût a, a hung sukchim a, a suklet tawp a, puon in chu ân hmât vawng el ta a,” a ti a.

RORELTUHAI 8:10

Tuhin Zeba le Zalmunna chu an sipaihai, khawsak nauhai sipaihai thi mahlahai po po, sîng khat le sâng nga lai leh Karkorah an um a, kâwlhnâm chawi mi ṭhieu nuoi khat le sîng hni an thi si a.

1 SAMUEL 13:5

Chun, Philistin mihai chu Israelhai do ding chun an pungkhâwm ta ṭeu el a, tawlailîr sîng thum, sakawr chung chuong mi sâng ruk, sipai chu tuipui kama phaiphin zât zet an nih; chun, an hang fe a, Beth-aven saktieng panga Mikmasa chun ṭhanghmun an khuor a.

1 SAMUEL 30:17

Chuongchun, David chun nisa tlâka inthawkin a zînga zântieng chenin a thaw ta a, tlangvâl za li, sanghâwngsei chunga chuonga tlânsehai ti chau naw chu tukhawm dama suok hrim hrim an um nawh.