RORELTUHAI 6:5 - Pathien Lekhabu Inthieng (BSI)

⁵ An ranruolhai le an puon inhai leh an hung inthawk a, khâu ang elin tamtakin an hung inthawk hlak si a; anni le an sanghâwngseihai chu tiem sêng khawm an ni nawh; an hunga ram chu an suksiet hlak a nih.

RORELTUHAI 6:5 Iomraidhean Croise

HLAHAI HLA 1:5

Ka hâng a, nisienlakhawm, ngaino ka bei, Aw nangni Jerusalem naunuhai, Kedar puon inhai ang le, Solomon puonzârhai ang el chun.

ISAI 13:20

Iengtika khawm chutaka chun mi um ta naw ni hai a, suon um sûng po po chun a sûnga um um naw ni hai; Arab mihai chun chutaka chun an puon in chu zâr naw ni hai a; berâm vêngtuhaiin chutaka chun an berâm ruol chu inbawktir bawk naw ni hai.

ISAI 60:6

Sanghâwngsei tamtak el chun tuom dûl dûl an ti che, Midian le Epha rama sanghâwngsei tuoihai chun: chuong po pohai chu Seba rama inthawkin hung an tih; rângkachak le beraw hung phur an ta, Lalpa inpâkna thu inhriettir an tih.

JEREMIA 46:23

Zawng suok thei ni naw sien khawm, a rampui hnuoihai chu phûr thlûng an tih, Lalpa chun a tih; khâuhai nêkin an tam lem a, tiem thei an ni si naw a.

JEREMIA 49:29

An puon inhai le an ran ruolhai chu lâng an ta; an ta dingin an puonhai, an bûr le bêlhai po po le an sanghâwngseihai po po ṭhuoi hmang an tih; chun, an kuoma chun, ‘Kil tina ṭitna ruok a nih,’ tiin mi khêk an tih.

JEREMIA 49:32

Chun, an sanghâwngseihai chu râllâkthilhai nîng an ta, an ran ruolhai khawm chu râllâksum ni bawk an tih; chun, barêp vawhai chu kâwlkil po poah sukdar ka tih, chun, anni kil tina inthawk chun an lunginzingna ding chu hung intlungtir ka ta, Lalpa chun a tih.

JEREMIA 51:14

Sipaihai Lalpa chun, ‘Matheiloâin, leiṭha ang elin, mihriemin hung suksip ngei ngei ka ti che a, chun, i chunga chun hung khêk khum an ti che,’ tiin ama le ama insâlin a lo inkhâm ta a.

DÂN PAHNINA 28:33

In hnuoi râhai le in sin inrim râhai chu in hriet ngai naw hnamin fa zo an tih, nêksâwr ding le suknawmnat ni zawmzat in tih,

RORELTUHAI 7:12

Chun, Midianhai le Amalekhai le khawsak nauhai po po ruoma chun khâu ang elin tamtak an lo um hmur el a; an sanghâwngseihai chu tiem sêng ruollo, an tam tieng chu tuipui kama phaiphin zât zet an nih.

RORELTUHAI 8:10

Tuhin Zeba le Zalmunna chu an sipaihai, khawsak nauhai sipaihai thi mahlahai po po, sîng khat le sâng nga lai leh Karkorah an um a, kâwlhnâm chawi mi ṭhieu nuoi khat le sîng hni an thi si a.

RORELTUHAI 8:21

Chun, Zeba le Zalmunna chun, “Nang kha hung inthawk la mi hung thaw ta la, patling le patling inthaw ding a nih annâwm,” an ti a. Chun, Gideon chu a tho a, Zeba le Zalmunna chu a that ta a; chun, an sanghâwngseihai rînga rîngawrhai chu a lâk a.

1 SAMUEL 30:17

Chuongchun, David chun nisa tlâka inthawkin a zînga zântieng chenin a thaw ta a, tlangvâl za li, sanghâwngsei chunga chuonga tlânsehai ti chau naw chu tukhawm dama suok hrim hrim an um nawh.