RORELTUHAI 6:16 - Pathien Lekhabu Inthieng (BSI)

¹⁶ Lalpa chun a kuomah, “I kuomah ka um pei ding annâwm; chuongchun, Midianhai chu mi pakhat ang elin hne vawng el i tih,” a ti a.

RORELTUHAI 6:16 Iomraidhean Croise

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a ti a.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

MARKA 16:20

Chuongchun, anni chu an fe suok a, ram tinah thu an hril ta a; Lalpain anni ân thlawppui a, a zuitu inchiknahai chun an thu chu a sukdet pei a, Amen].

THILTHAWHAI 11:21

Chun, Lalpa kutin anni a ṭhangpui a; mi tamtakin an ring a, Lalpa tieng chu an ngha tâwl ta a.

DÂN PAHNINA 20:1

“In hmêlmahai do dinga in suoka sakawrhai le tawlailîrhai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu Lalpa in Pathien chu in kuomah a um si a.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâwsamtir naw ning che a, mâk khawm mâksan naw tawp ka ti che.

JOSUA 10:8

Chun, Lalpain Josua kuomah, “Anni chu ṭi dêr naw rawh, i kutah ka pêk vawng tah a nih; anni laia mi tukhawm i hmaah ngîr thei ding hrim hrim an um nawh,” a ti a.

RORELTUHAI 2:18

Lalpain rorêltuhai a siempêk pha chun Lalpa chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun Lalpa chun za a ngai nâwk hlak a.

RORELTUHAI 6:12

Lalpa vântirko a kuomah a hung inlâr a, a kuomah, “Nang mi hrât huoisen, i kuomah Lalpa chu a um,” a ti a.

RORELTUHAI 6:36

Chun, Gideonin Pathien kuomah, “I hril anga keia kuta Israelhai hi i sansuok ding chun,

RUTH 2:4

Chun, ngai ta, Bethlehema inthawkin Boaz chu a hung a, busîktuhai kuoma chun, “In kuomah Lalpa um raw se,” a ti a. Anni chun, “Lalpain malsâwm raw se che,” tiin an dawn a.