RORELTUHAI 6:12 - Pathien Lekhabu Inthieng (BSI)

¹² Lalpa vântirko a kuomah a hung inlâr a, a kuomah, “Nang mi hrât huoisen, i kuomah Lalpa chu a um,” a ti a.

RORELTUHAI 6:12 Iomraidhean Croise

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a ti a.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

LUKA 1:11

Chun, Lalpa vântirko pakhat thil riminhnik râwna maichâm changtieng chun a hung inlâr a.

LUKA 1:28

Chun, vântirko chu a kuomah a lût a, “Chibai, Vochuom, Lalpa i kuomah a um” a ta.

DÂN PAHNINA 20:1

“In hmêlmahai do dinga in suoka sakawrhai le tawlailîrhai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu Lalpa in Pathien chu in kuomah a um si a.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâwsamtir naw ning che a, mâk khawm mâksan naw tawp ka ti che.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

RORELTUHAI 11:1

Tuhin Gilead mi Jepthah chu mi hrât huoisen a nih, ama chu nawchizawr naupa a nih. A pa chu Gilead a nih.

RORELTUHAI 13:3

Chun, Lalpa vântirko a nuhmei kuoma chun a hung inlâr a, a kuomah, “Ngai ta khai, i ching a, nau hrim i la vawn ngai naw a, nisienlakhawm, inrai i ta, naupasal nei i tih.

RORELTUHAI 2:18

Lalpain rorêltuhai a siempêk pha chun Lalpa chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun Lalpa chun za a ngai nâwk hlak a.

RORELTUHAI 6:11

Chun, Lalpa vântirko a hung a, Ophra khuoa Abiezrit mi Joas thingsaisuo hnuoiah a ṭhung a, a naupa Gideon chun Midianhai hmu theilo dingin grêp sâwrna khura chun bu a lo vuok a.

RORELTUHAI 6:13

Gideon chun a kuomah, “Aw pu, Lalpa kan kuomah a um si chun, iengtiziea hienga kan chunga thil tlung el am a ni a? Kan thlatuhai khan, ‘Lalpa chun Aiguptaa inthawk khan a mi ṭhuoi suok ni lo am a nih?’ tia a thilthaw maktak takhai an mi hrilhai dâm kha khâwlai am a um zo ta leh? Tuhin chu Lalpa chun a mi nghatsan dêr ta a, Midianhai kutah a mi pêk tah a ni hi,” a ti a.

RUTH 2:4

Chun, ngai ta, Bethlehema inthawkin Boaz chu a hung a, busîktuhai kuoma chun, “In kuomah Lalpa um raw se,” a ti a. Anni chun, “Lalpain malsâwm raw se che,” tiin an dawn a.

1 SAMUEL 10:7

Chun, hieng inchiknahai hi i chunga a hung um pha chun thil hung umin a zir ang peiin i thaw ding a nih; Pathien chu i kuomah a um pei si a.