RORELTUHAI 6:11 - Pathien Lekhabu Inthieng (BSI)

¹¹ Chun, Lalpa vântirko a hung a, Ophra khuoa Abiezrit mi Joas thingsaisuo hnuoiah a ṭhung a, a naupa Gideon chun Midianhai hmu theilo dingin grêp sâwrna khura chun bu a lo vuok a.

RORELTUHAI 6:11 Iomraidhean Croise

INṬANNA 16:7

Chun, Lalpa Vântirko chun thlalêra tuikhur kâwl, Sur panna lampuia tuikhur kâwla chun a lo hmu a.

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

1 LALHAI 19:19

Chuongchun, chutaka inthawk chun a suok ta a, Saphat naupa Elisa chu a va hmusuok a, ama chun hnuoi a lo inlet a, a hmaa chun sebâwng tuok sâwm le tuok hni a um a, a sâwm le pahnina chu ama chun a lo khal a; chun, Elija chun a va pan a, a puon chu a vân bâttir a.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

NAMBAR 26:30

Chun, hienghi Gilead thlahai an nih: Iezer thlahai chu Iezer râwi; Helek thlahai chu Helek râwi;

HEBRAIHAI 11:32

Chun, ieng am la hril rawp ka ta? Gideon thu dâm, Barak thu dâm, Samson thu dâm, Jephtha thu dâm, David thu dâm, Samuel thu dâm, zâwlneihai thu dâm hril lang hunin mi dai si naw ni a.

JOSUA 17:2

Chun, chanpuol chu Manasse hnam, an sûngkuo izir ang peiin, Abiezer nauhai, Helek nauhai, Asriel nauhai, Sekem nauhai, Hepher nauhai le Semida nauhai ta ding dâmin pêk a nih; chuonghai chu an sûngkuo izir ang peia Josef naupa Manasse naupasalhai chu an nih.

JOSUA 18:23

Avim, Para, Ophra,

RORELTUHAI 13:3

Chun, Lalpa vântirko a nuhmei kuoma chun a hung inlâr a, a kuomah, “Ngai ta khai, i ching a, nau hrim i la vawn ngai naw a, nisienlakhawm, inrai i ta, naupasal nei i tih.

RORELTUHAI 13:6

Chun, nuhmei chun a pasal kuomah, “Pathien mi mi pakhat ka kuomah a hung a, a hmêl chu vântirko hmêl ang ṭiumtak a nih, khâwtienga mi am a ni kân dawn ta chuong naw a, ama chun a hming hlak a mi hril naw bawk a;

RORELTUHAI 5:23

Lalpa vântirkoin, ‘Meroz chu ṭawngsie inphur ro, Chutaka umhai chu nasatakin ṭawngsie inphur ro. Lalpa ṭhangpui dinga an hung naw leiin, Lalpain mi hrâttak a thawnaa ṭhangpui ding chun,’ a tih.

RORELTUHAI 6:12

Lalpa vântirko a kuomah a hung inlâr a, a kuomah, “Nang mi hrât huoisen, i kuomah Lalpa chu a um,” a ti a.

RORELTUHAI 8:2

Ama chun an kuomah, “Nangni nêkin tuhin ieng am ka thaw bîk leh? Abiezer mihai grêp lo nêk chun Ephraim mihai grêp hmu ṭhel zawng hi a nasa lem ni lo am a nih?

RORELTUHAI 9:5

Chun, Ophra khuoa a pa ina chun a va fe a, Jerubbaal nauhai, a unauhai sâwmsari chu lung pakhat chungah a that tâwl a; Jerubbaal naupa a naupang tak Jotham ruok chu a lo inbi hlau leiin a that naw a.