RORELTUHAI 5:30 - Pathien Lekhabu Inthieng (BSI)

³⁰ ‘Râllâk thilhai chu an hmuin an insem ni lo am a nih? Mi tinin nunghâk pakhat pahni amani seng. Sisera chan ding chu râllâk puon ze tum tum, Hnêtu rînga bât ding puon a khing hnia ṭiel mawi, ze tum tumhai chu?’ tiin.

RORELTUHAI 5:30 Iomraidhean Croise

INṬANNA 37:3

Chun, Israel chun Josef chu a tar tieng nau a ni leiin a nauhai po po nêk chun a hmangai lem a; chuongchun, zakawfuol rawng tamtaka ṭiel a siempêk a.

2 SAMUEL 13:18

Zakawfuol ze tum tuma ṭiel a hâk a, chuong ang zakawfuol chu lal nunghâk inthienghai chun an hâk hlak a. Chuongchun, a siehlaw chun a ṭhuoi suok a, kawt a kal ta tlat a.

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

INPÂKNA HLABU 45:14

Puon ṭhui mawi silin laltak kuomah ṭhuoi an ta, Ama zuitu nunghâk a ruolhai chu, I kuomah ṭhuoi an tih.

INPÂKNA HLABU 68:12

Sipaihai lalhai chu an tlânsie an tlânsie a, In nghâktunu chun râllâk sum chu a sem a.

FESUOKNA 15:9

Hmêlma chun, ‘Hnawt ka ta, hnawtphâk ka ta, râllâk thil chu sem ka tih; Ka dittâwkin annia inthawk lâng ka ta, Ka kâwlhnâm phawi ka ta, ka kutin anni sukbohmang ka tih,’ a ti a.

FESUOKNA 27:16

A tuolzâwl kawta ding chun puonzâr tawng sâwmhni, sahmul dumpâwl le a êm le seninlâr le patzai inhmi kawpa siem ṭhuimawi thiemtaka ṭhui a ni ding a nih, a ban pali le a kerkuok pali leh.

THUVARHAI 16:19

Mi chapohai le râllâk sum insem nêk chun, Mi inngaitlâwmhai le lungril inhnuoitaka um a ṭha lem.

ISAI 9:2

Mi inthim hnuoia fehai chun var nasatak an hmu ta a; thina hlim rama umhai chunga ngei chun var a hung var ta a.

RORELTUHAI 5:19

Lalhai chu an hung a, an do a, Chuongchun, Kanaan lalhai chun Megiddo tui kâwl Ta-anaka chun an do a; Râllâk sum hrim an lâk nawh.

RORELTUHAI 5:29

A nuhmei vartakhaiin an lo dawn a, Anih, ama le ama ân dawn fâwm nâwk a,